ඉන්දීය සිනමාවේ ජනප්‍රිය රංගන ශිල්පිනියක වන සායි පල්ලවී සිය නැගණිය සමග වෙරළ තීරයක විවේකය ගත කරන බව සඳහන් ඡායාරූප පෙළක් සමාජ මාධ්‍ය ඔස්සේ සංසරණය වන බව FactSeker නිරීක්ෂණය කළේ ය.

සිය ශරීරය නිරාවරණය වන ආකාරයේ ඇඳුම් නොඅඳින නිළියක් ලෙස රසිකයින් අතර ජනාදරය දිනා ඇති සායි පල්ලවිගේ, මෙම ඡායාරූප සමාජ මාධ්‍ය හරහා සංසරණය වීමත් සමග රසිකයන් අතර කනස්සල්ලක් ඇති වී තිබේ.
මේ පිළිබඳ සොයා බැලීමට FactSeker සායි පල්ලවිගේ සහ පූජා කන්නගේ සමාජ මාධ්‍ය ගිණුම් පරීක්ෂා කළේ ය. එහිදී ඇගේ නැගණිය වන පූජා කන්නන් තම ඉන්ස්ටග්‍රෑම් ගිණුම හරහා ඡායාරූප කිහිපයක් බෙදා හැර තිබෙන බව නිරීක්ෂණය විය. නමුත් ආන්දෝලනයට තුඩු දී තිබූ ඡායාරූප ඔවුන් විසින් සමාජ මාධ්‍ය වෙත මුදා හැර නොතිබුණි.

https://www.instagram.com/p/DOyWSvtkfAv/?img_index=7&igsh=MTlkeDQycTBrN3E4bQ==
මෙසේ හුවමාරු වන ඡායාරූප අතර සායි පල්ලවි බිකිනියකින් සැරසී සිටින ඡායාරූප පිළිබදව හොදින් විමර්ෂණය කර බැලීමේදී ඇගේ නැගනිය විසින් සමාජ මාධ්‍ය වෙත මුදාහැර තිබූ ඡායාරූප AI තාක්ෂණය උපයෝගී කර ගනිමින් නිර්මාණය කර ඇති බව තහවුරු විය.