මෙලෙස පාසල් නිවාඩු දීමට තීරණය කර ඇත්දැයි අධ්‍යාපන අමාත්‍යාංශයෙන් කළ වීමසීමේදී එය අසත්‍ය බව අමාත්‍යාංශය ප්‍රකාශ කළ අතර ඒපිළිබඳ නිවේදනයක්ද නිකුත් කර තිබේ.
“දිවයිනේ සියලුම පාසල්වලට හෙට (22) දින නිවාඩු දෙන බව සමාජ මාධ්‍ය ජාල හරහා ප්‍රචාරය වන නිවේදනය අසත්‍ය බව අධ්‍යාපන අමාත්‍යාංශය දන්වා සිටියි.
එබැවින්, හෙට (22) දින දිවයිනේ සියලුම පාසල් පැවැත්වෙන බව අධ්‍යාපන අමාතාංශය නිවේදනය කරයි.
එසේම පවත්නා තත්ත්වය මත අවස්ථානුකූලව තීරණ ගැනීමේ බලය පළාත් අධ්‍යාපන ලේකම්වරුන් සහ පළාත් අධ්‍යාපන අධ්‍යක්ෂවරුන් වෙත පවතින බව ද මෙයින් දැනුම් දෙමු.” යනුවෙන් එම නිවේදනයේ සඳහන් වේ.

ඒ අනුව පාසල් නිවාඩු දී ඇති බවට සමාජ මාධ්‍ය ඔස්සේ පැතිර යන පුවත අසත්‍ය බව Fact Seeker සඳහන් කරයි.