කාදිනල් හිමිගේ නම ඉදිරි කටයුතු වලින් ඉවත් කිරීමට වතිකානුව තීරණය කර නැහැ
ස්වර්ගස්ථ වූ ශුද්ධෝත්තම ෆ්රැන්සිස් පාප් වහන්සේගේ දේහය පිළිබඳ අවසන් කටයුතු සඳහා කොළඹ අගරදගුරු කාදිනල් මැල්කම් රංජිත් හිමිපාණන් මේ වන විට වතිකානුව බලා පිටත්ව ගොස් ඇත. එවැනි පසුබිමක මැල්කම් රංජිත් හිමිපාණන්ගේ නම ඉදිරි කටයුතුවලදී නොසලකා හැරීමට වතිකානුව තීරණය කර ඇති බව දක්වමින් සමාජ මාධ්ය හරහා පෝස්ටුවක් සංසරණය වන බව Factseeker හට නිරීක්ෂණය විය.
by Anonymous |
අප්රේල් 24, 2025
මෙය එසැණ වෙබ් අඩවියේ ආකෘතියට අනුව ඉදිරිපත් කර තිබූ අතර කාදිනල්වරයෙකුට නොගැලපෙන ලෙස දේශපාලනයේ යෙදීම නිසා මෙම තීරණය ගෙන ඇති බව එහි දක්වා තිබිණි.
ඒ අනුව යමින් එසැණ වෙබ් අඩවියේ එවැනි පුවතක් තිබුණේද යන්න පිළිබඳව සොයාබැලූ අතර එවැනි පුවතක් එහි ඇතුළත් කර නොතිබුණි. නමුත් සංසරණය වන පෝස්ටුවේ ඡායාරූපයට සමාන ඡායාරූපයෙන්ම මැල්කම් රංජිත් හිමියන් වතිකානුව බල පිටත්ව ගිය පුවත එසැණ හරහා ඉදිරිපත් කොට තිබුණි.
කෙසේ වෙතත් මෙහි සත්යාසත්යතාව පිළිබඳව ජාතික කතෝලික සභාවේ ජන සන්නිවේදන අධ්යක්ෂක ලෙසින් කටයුතු කරන ජූඩ් ප්රියන්ත පියතුමාගෙන් විමසීය. එහිදී ඔහු සඳහන් කළේ එහි කිසිදු සත්යතාවක් නොමැති බවයි.
ඒ අනුව මෙම පෝස්ටුව එසැණ වෙබ් පිටුවේ ආකෘතියට සකසන ලද ව්යාජ පෝස්ටුවක් බවත් එම පුවතේ කිසිඳු සත්යතාවක් නොමැති බවත් Factseeker තහවුරු කරගන්නා ලදී.
