හුවමාරු වන වීඩියෝව අගමැති මෝදිගේ රථ පෙළපාළියේ පෙරහුරුවක්

ප්රභූ ආරක්ෂාව සහිතව මාර්ගයේ ගමන් කරන රථ පෙළපාළියක වීඩියෝවක් සමාජ මාධ්ය වේදිකාවල බොහෝ දෙනෙකු හුවමාරු කර තිබෙන අයුරු Factseeker නිරීක්ෂණය කළේ ය.
by Anonymous |
අප්රේල් 3, 2025

“දැන් අනුරව අල්ලන්න බෑ. පෙළපාළි යන්නේ නෑ,වාහන තුනකින් යන බව කී අනුර දැන් යන්නේ වාහන 22 කින්.” යනුවෙන් Peoples voice නැමැති ෆේස්බුක් පිටුවක මෙම රථ පෙළපාලියේ වීඩියෝව පළ කර තිබුණි. “පුනරුදය දියුණු වෙලා දැන් ප්රෙන්ඩ්ස්” යනුවෙන් X ගිණුමක සහ මධුභාෂණ ප්රභාත් රණහංස නැමැති අයෙකුගේ you tube නාලිකාවක “සහෝදරයා වගේ වෙන කෙනෙක්” යනුවෙන් උපහාසාත්මක පළ කිරීමක් ද සමග මෙම වීඩියෝව හුවමාරු කර ගෙන තිබිණි.
https://www.facebook.com/watch/?mibextid=wwXIfr&v=516287048223798&rdid=U4ArE4YA1GhYy72b
https://www.youtube.com/shorts/Zkg-GlQJ3RM
https://x.com/milanravi86/status/1907449598160916682
මෙය ජනාධිපති අනුර කුමාර දිසානායක ගමන් කරන රථ පෙළපාලිය බවට අදහස් පළ කර තිබීම නිසා Factseeker ඒ පිළිබඳ කරුණු පරීක්ෂා කළේ ය.
මෙම වීඩියෝව නිරීක්ෂණය කිරීමේදී එහි කොළඹ නෙළුම් පොකුණ රංග ශාලව ද පසෙකින් දිස්වෙයි. මෙය තවදුරටත් නිරීක්ෂණය කිරීමේදී එහි ගමන් කරන ප්රභූ රථයේ අංක තහඩුවේ දිස් වූයේ DL 2 CBD 1614 යන අංකයයි. මෙය මෙරට මෝටර් රථ ප්රවාහන දෙපාර්තමේන්තුවෙන් නිකුත් කළ රථයක් නොවන බවට තහවුරු කර ගැනීමට හැකි විය.
ඒ අනුව අපි මේ සම්බන්ධයෙන් පොලිස් මාධ්ය ප්රකාශක, ජ්යෙෂ්ඨ පොලිස් අධිකාරි බුද්ධික මනතුංගගෙන් විමසීමක් කළෙමු. එහිදී ඔහු ප්රකාශ කළේ ඉන්දීය අගමැති නරේන්ද්ර මෝදි හෙට (04) මෙරටට පැමිණීමට නියමිත බැවින් මෙය ඔහු පැමිණෙන රථ පෙළපාළියේ පෙරහුරුවක් බවයි. ජනාධිපති අනුර කුමාර දිසානායක ගමන් කරන රථ පෙළපාලියක් නොවන බව ද මාධ්ය ප්රකාශකවරයා අනාවරණය කළේ ය.
මෙම රථ පෙළපාළියේ ඡායාරූපයක් ප්රංශ පුවත් සේවයේ ඡායාරූප ශිල්පි ඉෂාර කොඩිකාරගේ ෆේස්බුක් පිටුවේ හුවමාරු කර තිබිණි. ඔහු එහි සඳහන් කර තිබුණේ ද ඉන්දීය අගමැති නරේන්ද්ර මෝදිගේ රථ පෙළපාළියේ පෙරහුරුවක් අද කොළඹදී පැවැති බවයි. අපි ඔහුගෙන් මේ සම්බන්ධයෙන් කළ විමසීමේදී ද ඔහු ඒ බව තහවුරු කළේ ය.
එම සබැඳිය මෙතැනින් – https://www.facebook.com/share/p/195tYh9Zng/
ඒ අනුව සමාජ මාධ්ය හරහා හුවමාරු වන ප්රභූ රථ පෙළපාළිය ජනාධිපති අනුර කුමාර දිසානායකගේ නොව ඉන්දීය අගමැති නරේන්ද්ර මෝදි ගමන් කරන රථ පෙළපාළියේ පෙරහුරුවක් බවයි.