හරීන් ඇමැති ධූරයෙන් ඉල්ලා අස්වුණාද?
සංචාරක ඉඩම් හා ක්රීඩා අමාත්ය හරීන් ප්රනාන්දු මහතා සිය අමාත්ය ධුරයෙන් ඉල්ලා අස් වන බව දැනුම් දෙමින් ජනාධිපතිවරයාට යොමුකර ඇති බවට සඳහන් ලිපියක් සමාජ මාධ්ය හරහා හුවමාරු වෙමින් පවතී.
by Anonymous |
මැයි 8, 2024
මෙය සත්ය ලිපියක් ද? යන්න පිළිබදව factseeker සොයා බැලීය.
අදාළ ඉල්ලා අස්වීමේ ලිපිය අප්රේල් මස 06 වෙනි දින ලෙස සඳහන් කරමින් අමාත්යවරයාගේ අත්සනින් යුතුව යොමු කර ඇත.
හරීන් ප්රනාන්දු අමාත්යවරයා මෙවැනි ලිපියක් යොමු කළේ ද? යන්න පිළිබදව factseeker අමාත්යවරයාගේ සමාජ මාධ්ය ගිණුම් පරීක්ෂා කළ අතර එවැනි ලිපියක් ඔහු විසින් පළ කර නොතිබිණි.
එමෙන්ම මේ සම්බන්ධයෙන් ප්රධාන මාධ්ය තුළ වාර්තා කර ඇතිද යන්න පිළිබඳව සොයා බැලු අතර එවැනි පුවතක් එම මාධ්ය ද වාර්තා කර නොමැති බව factseeker නිරීක්ෂණය කළේය.
හුවමාරු වන අදාළ ලිපිය සම්බන්ධයෙන් factseeker හරීන් ප්රනාන්දු අමාත්යවරයාගෙන් විමසීමේදී ඔහු සදහන් කළේ , තමා අමාත්ය මණ්ඩලයෙන් ඉල්ලා අස් නොවූ බවයි.
මේ සම්බන්ධයෙන් factseeker ජනාධිපති කාර්යාලයෙන් විමසීමේදී එවැනි ලිපියක් යොමුවී නොමැති බව ද ඔවුන්ද සඳහන් කළේය.
ඒ අනුව අමාත්ය හරීන් ප්රනාන්දු සිය අමාත්ය ධුරයෙන් ඉල්ලා අස්වන බව සඳහන් කරමින් යොමුකර ඇති ලිපිය ව්යාජ ලිපියක් බව factseeker තහවුරු කරයි.
