වෙරළට පැමිණ සිටින තල්මසුන් රංචුවක් ජලයෙන් තෙත් කර පසුව සාගරයට මුදාහරින වීඩියෝවක් සමාජ මාධ්‍යවල සංසරණය වන බව Factseeker නිරීක්ෂණය කළේ ය.

මෙය පසුගියදා ඇතිවූ රික්ටර් මාපක 8.8 ක ප්‍රබල භූමිකම්පාවේදී රුසියාවේ කැම්චෙට්කා වෙරළ තීරයට ගොඩ ගසාගෙන පැමිණි බෙලුගා තල්මසුන් රංචුවකට රුසියානු ධීවරයින් පිරිසක් විසින් තෙතමනය ලබා දෙන බවට මෙම වීඩියෝවේ සදහන් කර තිබිණි.

https://x.com/jignesh03011976/status/1950757864248606838

පාරිසරික වෙනස්වීම් පිළිබඳව මිනිසුන්ට පෙරර සත්වයින්ට දැනෙන බවත් එය හැගවීමට මේ ආකාරයට මත්සයින් වෙරළට ගසාගෙන එන බව ද පරිශීලකයින් මේ සම්බන්ධයෙන් අදහස් දක්වා තිබුණි.

ඒ අතර ඇතැමුන් මෙම වීඩියෝව පැරණි වීඩියෝවක් බවද සඳහන් කර තිබුණි.. ඒ අනුව මෙම අදහස්වල පැවතුන පරස්පරතාවන් හේතුවෙන් Factseeker මේ පිළිබදව සොයා බැලීය. එම වීඩියෝව google reverse image හරහා නිරීක්ෂණය කර බැලීමේදී මෙහි පළමු වීඩියෝව සොයා ගැනීමට හැකිවිය.

https://youtube.com/shorts/DogdeXUD2YE?si=5I5OF0hkf1nneFpD

මෙම වීඩියෝව 2023.08.16 වන දින youtube වෙත මුදාහැර ඇති බව නිරීක්ෂණය විය. මෙය ද රුසියාවේ වූ සිදුවීමකි. කෙසේ වෙතත් මෙම වීඩියෝව නොමැතිව මේ දිනවලදී රුසියාවේ එවැනි සිදුවීමක් වාර්තා වී ඇත්ද? යන්න සොයා බැලූ නමුත් එවැනි වීඩියෝවක් සොයාගැනීමට නොහැකි විය.

ඒ අනුව පසුගියදා ඇතිවූ භූමිකම්පාව හේතුවෙන් රුසියාවේ කැම්චෙට්කා වෙරළට පැමිණී බෙලූගා තල්මසුන්ගේ යැයි දක්වමින් සමාජ මාධය ඔස්සේ සංසරණය වන වීඩියෝව පැරණි වීඩියෝවක් බව Factseeker තහවුරු කරයි.