රුපියල් 692.78 කට KFC ප්රවර්ධන අවස්ථාවක් නෑ
KFC ආයතනය විසින් " Menu Bucket 9 chicken pcs (M) " යන මෙනුව රු. 692.78 ක මුදලකට ලබා ගත හැකි බව සඳහන් දැන්වීමක් සමාජ මාධ්ය හරහා සංසරණය වෙයි.
by Anonymous |
ඔක්තෝබර් 18, 2024
මෙහි රු.8314.29 වන මෙම මෙනුව රු. 692.78 ක් වැනි මුදලකට ලබාගත හැකි බව එම දැන්වීමේ සඳහන් වේ.
මෙය සත්ය බව පිළිගනිමින් බොහෝ දෙනෙකු සිය අදහස් ප්රකාශ කර තිබෙන බව එය වැඩිදුරටත් නිරීක්ෂණය කිරීමේදී දැක ගත හැකි විය.
ඒ අනුව මෙහි සත්ය අසත්යතාව සොයා බැලීම සඳහා Factseeker KFC හි නිල වෙබ් අඩවිය පරීක්ෂා කර බැලූ අතර එවැනි ප්රවර්ධන අවස්ථාවක් ලබාදෙන බවක් එහි සඳහන් නොවුනි.
https://www.kfc.lk/menu/mains/hot-and-crispy-chicken
මේ පිළිබඳව KFC ශාඛා කිහිපයකින් විමසීමේදී ඔවුන් සඳහන් කළේ, මෙහි කිසිදු සත්යතාවයක් නොමැති බවත් මෙය ව්යාජ ලෙස සංසරණය වන දැක්වීමක් බවයි. මෙහි සඳහන් කරන ලද මෙනුව සඳහා එවැනි කිසිඳු ප්රවර්ධන අවස්තාවක් නොමැති බවත් වෙනත් මෙනු කිහිපයක් සඳහා ප්රවර්ධන අවස්ථා ඇති බවත් ඔහු වැඩිදුරටත් සඳහන් කළේය.
ඒ අනුව KFC හි ප්රවර්ධන අවස්ථාවක් තිබෙන සඳහන් කරමින් සමාජ මාධ්ය තුළ සංසරණය වන මෙම දැන්වීම කිසිදු සත්යතාවක් නොමැති බව FactSeeker තහවුරු කරයි.
