මුස්ලිම්වරුන්ගේ අනාගත සාස්තෘවරයා සජිත් බව හකීම් “විඩිවැල්ලි” සගරාවට කියලා නෑ
' මුස්ලිම්වරුනගේ අනාගත සාස්තෘවරයා සජිත් ප්‍රේමදාස' බව ශ්‍රී ලංකා මුස්ලිම් කොංග්‍රසයේ නායක, පාර්ලිමේන්තු මන්ත්‍රී රවුෆ් හකීම් පැවසූ බව "විඩිවැල්ලි" සගරාවේ පළ කළ බව පෙන්වමින් පුවතක් සමාජ මාධ්‍ය වේදිකාවල හුවමාරු වෙමින් පවතී.
by Anonymous |
අගෝස්තු 9, 2024
මෙම ප්‍රවෘත්තිය WhatsApp කණ්ඩායම්වල පුළුල් ලෙස බෙදා ගෙන තිබිණි.
හුවමාරු වන ප්‍රවෘත්තියෙන් පිළිඹිඹු වූයේ, ශ්‍රී ලාංකේය මුස්ලිම් ප්‍රජාවේ ජනප්‍රිය සඟරාවක් වන “විඩිවැල්ලි” සඟරාවේ මුල් පිටුවේ මෙය පළ කර තිබෙන බවයි.
සැබවින්ම “විඩිවැල්ලි” සඟරාවේ මෙවැනි පුවතක් පළ කර තිබුණේ ද? යන්න පිළිබදව Factseeker සොයා බැලුවෙමු.
මේ සම්බන්ධයෙන් කරුණු සොයන්නා විසින් ‘විඩිවැල්ලි’ සඟරාවේ කර්තෘ මණ්ඩලයෙන් කළ විමසුමකදී එහි මෙවැනි පුවතක් පළ කර නැති බව තහවුරු කළේ ය. එමෙන්ම මීට පෙර ද එම අසත්‍ය ප්‍රවෘත්තිය බොහෝ දෙනෙකු විසින් බෙදාගෙන තිබූ බව ද ඔවුන් අනාවරණය කළේ ය.
එම සඟරාවේ මුල් පිටු සැලසුම භාවිතා කර එම ව්‍යාජ ප්‍රවෘත්තිය 2023 වසරේදී ද බෙදා ගෙන ඇති බව factseeker ට නිරීක්ෂණය විය.
ඒ අනුව ‘විඩිවැල්ලි’ සඟරාවේ මුල් පිටුවේ සැලසුම යොදා ගනිමින් හුවමාරු වන පුවත ව්‍යාජ පුවතක් බව factseeker තහවුරු කරයි.
