“ආරංචිය සුබයි” යනුවෙන් සඳහන් පෝස්ටර් සමාජ මාධ්‍ය තුළද ප්‍රසිද්ධ මාධ්‍යය තුළද ප්‍රචාරය වු අතර මේ සම්බන්ධයෙන් විවිධ පාර්ශවයන්ට අදාළ වන පරිදි විවිධ පොස්ට් හුවමාරු වු බැවින් මේ පිළිබඳව සොයාබැලීමට factseeker කටයුතු කළේය.

මෙය දේශපාලනයට සම්බන්ධ ප්‍රචාරක වැඩසටහනක් ද? නැතිනම් වෙනත් ප්‍රචාරණය් ද? යන්න පිළිබදව ජනතාවට මහත් කුතුහලයක් ඇති වුණි. ඒ හා සම්බන්ධ විවිධ ප්‍රචාරයන් සමාජ මාධ්‍ය හරහා මෙන්ම දේශපාලනඥයින් ද විවිධ ප්‍රකාශ ඉදිරිපත් කිරීම නිසා මෙය දේශපාලන ප්‍රචාරක වැඩසටහනක් බව තහවුරු විය.

මේ අතර තුරදී මෙම ආරංචිය සුබයි යන ප්‍රචාරක වැඩසටහන සම්බන්ධයෙන් විවිධ අහස් පළ කරමින් සමාජ මාධ්‍ය හරහා පෝස්ටු හුවමාරු විණි. ” ආරංචිය සුබයි. රනිල් – රවි මහබැංකු මංකොල්ලයට අවුරුදු 9යි. සුබ මොහොතකට කිරිබත් සූදානමින්”

“බංකොලොත් වෙනකොට ඩො.බි.71 යි. දැන් ණය ඩො.බි 100 යි. එන්න අපි කිරිබත් කාලම රතිඤ්ඤා පත්තු කරමු. ආරංචිය සුබයි. යනුවෙන් මෙම ප්‍රචාරක ව්‍යාපාරයට විවිධ අර්ථකතන දෙන පෝස්ටු Factseeker නිරීක්ෂණය කළේ ය. මේ සදහා දෙමළ මාධ්‍යයෙන් ද විවිධ අදහස් පළ කර තිබිණි.

ජනාධිපති රනිල් වික්‍රමසිංහ ඉකුත් 26 දා ජාතිය අමතා විශේෂ ප්‍රකාශයක් කරන බවට ජනාධිපති මාධ්‍ය අංශය නිවේදනය කළේ මේ අතර තුරදීය.

මේ සම්බන්ධයෙන් එකසත් ජාතික පක්ෂය සිරිකොත පක්ෂ මූලස්ථානයෙන් විමසීමේදී සඳහන් කළේ ජාත්‍යන්තර ණය ප්‍රතිව්‍යුහගත කිරීමේ එකඟතාවන්ට එළැඹීමට හැකිවීමත් සමඟ එම පණිවිඩය ජනතාව හමුවේ තැබීම සදහා ජනාධිපතිවරයා ජාතිය ඇමතීමට සමඟාමීව මෙම පොස්ටරය ජනගත කළ බවයි.  ජනාධිපතිවරයා ජාතිය ඇමතීමෙන් පසු දින සිට “මේ වෙලාවේ රනිල් තමයි” යනුවෙන් පෝස්ටරයක් ජනගත කර තිබුණි.

ඒ අනුව මේ සම්බන්ධයෙන් සමාජ මාධ්‍ය හරහා පළ කළ ඉහත සමාජ මාධ්‍ය පෝස්ටු ජනතාව නොමග යවන පෝස්ටු බව Factseeker තහවුරු කරයි.

මේ අතර ජනාධිපතිවරයා ජාතිය අමතා විශේෂ ප්‍රකාශයක් කළ දින ශ්‍රී ලංකා පොදුජන පෙරමුණෙන් (පොහොට්ටුව) අපේක්ෂකයෙකු නම්කර ඇති බවට දැක්වෙන පොස්ටරයක් කොළඹ නගරයේ ස්ථාන කිහිපයක ප්‍රදර්ශනය කර ඇති බව නිරීක්ෂණය විය.

“ආරංචිය සුබයි පොහොට්ටුවෙන් අපේක්ෂකයෙක්” යනුවෙන් එහි සඳහන්ව තිබුණි.

පොහොට්ටුවෙන් අපේක්ෂකයෙක් යනුවෙන් සඳහන් පෝස්ටරය පිළිබඳව පොදුජන පෙරමුණේ සමාජික පාර්ලිමේන්තු මන්ත්‍රී මහින්දානන්ද අලුත්ගමගේගෙන් විමසීමේදි හෙතෙම පැවසුයේ ,

ශ්‍රී ලංකා පොදුජන පෙරමුණෙන් ඉදිරිපත් වන ජනාධිපති අපේක්ෂයා පිළිබඳව මෙතෙක් තීරණය කර නොමැති බවයි.  තමන් පොදුජන පෙරමුණේ සාමාජිකයෙකු ලෙස එය වගකීමෙන් ප්‍රකාශ කරන බව සදහන් කළේය.

ඒ අනුව “ආරංචිය සුබයි පොහොට්ටුවෙන් අපේක්ෂකයෙක්” යනුවෙන් සඳහන් පොස්ටරය ශ්‍රී ලංකා පොදුජන පෙරමුණ විසින් ප්‍රචාරය කළ පෝස්ටරයක් නොවන බව factseeker තහවුරු  කරයි