ඒ “අකාලික සනාත ධර්මයට මහ සයුර හිස නමා..” යනුවෙන් සඳහන් කරමින් මෙම වීඩියෝව සංසරණය වෙයි.

ශිව දෙවියන්ගේ මෙවැනි ප්‍රතිමාවක් සහිත ස්ථානයක් පවතීද යන්න පිළිබඳ Fact Seeker නිරීක්ෂණය කරනු ලැබීය. නමුත් කිසිදු ආකාරයකින් අන්තර්ජාලයේ එවැනි ස්ථානයක් සම්බන්ධ තොරතුරු නොපවතින බව Fact Seeker හඳුනාගන්නා ලඳී.

මේ අනුව මෙම වීඩියෝව සම්බන්ධයෙන් තවදුරටත් කරුණු පරීක්ෂා කළ අතර එම වීඩියෝව කෘත්‍රීම බුද්ධියෙන් නිර්මාණය  කරන ලද බව සඳහන් කරමින් @poongodiSugandh නැමති  X ගිණුමෙහි පළ කර තිබුණි.

නමුත් මෙය සත්‍ය යැයි පිළිගන්නා පුද්ගලයින් සිටින බව එම වීඩියෝවේ අදහස් දැක්වීම් තීරය (Comments) නිරීක්ෂණය කිරීමේදී හඳුනා ගැනීමට හැකි විය.

මීට අමතරව මෙම වීඩියෝවේ ලක්ෂණවලට සමානව මුහුද පතුලේ ඇති බුද්ධ ප්‍රතිමාවක ඡායාරූපයක් Fact Seeker හඳුනාගත් අතර, එම රූපය Midjorney නැමති කෘත්‍රීම බුද්ධි මෙවලම උපයෝගී කරගෙන නිර්මාණය කරන ලද්දක් බව හඳුනා ගැනීමට හැකි විය. මෙම බුද්ධ ප්‍රතිමාව සහිත ඡායාරූපය සහ ඉහත සඳහන් ශිව දෙවියන්ගේ ප්‍රතීමාව සහිත වීඩියෝවේ අඩු වැඩි වශයෙන් වර්ණයන්ගේ සහ ගුණාත්මකභාවයේ සමානකම් ද හඳුනා ගැනීමට හැකි විය. ඒ අනුව වර්තමානයේ කෘත්‍රීම බුද්ධිය යොදාගනිමින් ඉතාමත් තාත්වික ලෙස ඡායාරූප සහ වීඩීයෝ නිර්මාණය කළ හැකි බවට නිගමනය කළ හැකිය.

මේ අනුව ගැඹුරු මුහුදේ ශිව දෙවියන්ගේ ප්‍රතිමාව ලෙස සමාජ මාධ්‍යයේ හුවමාරු වන වීඩියෝව කෘත්‍රීම බුද්ධි මෙවලම් ඔස්සේ නිර්මාණය කරන ලද විඩියෝවක් බව Fact Seeker තහවුරු කරයි.