මෙහි සත්‍ය අසත්‍යතාව පිළිබඳව factseeker සොයා බැලීය.

අදාළ පොස්ටුව මෙසේය,

“ශ්‍රී ලංකා තරුණ සවිබල ගැන්වීමේ අරමුදලේ වැඩසටහන 2024″
රැකියා විරහිත පුරවැසියන්ට ගෙවීමට සහ ශ්‍රී ලංකාවේ අර්බුදයෙන් පීඩාවට පත් පුරවැසියන්ට වන්දි ගෙවීම සඳහා ශ්‍රී ලංකා රජය රුපියල් 50,000 ක ප්‍රදාන අරමුදලක් අනුමත කර ඇත. ගෙවීම් දැනටමත් ආරම්භ කර ඇත. ප්‍රතිලාභීන් අතර වීමට දැන්ම අයදුම් කරන්න.

අයදුම්කරුවන් ශ්‍රී ලංකාවේ පුරවැසියන් විය යුතු අතර වයස අවුරුදු 45 නොඉක්මවිය යුතුය.
ඔබගේ අයදුම්පත දැන් ඉදිරිපත් කිරීමට පහත සබැඳිය ක්ලික් කරන්න

දැන් අයදුම් කරන්න👇” යනුවෙන් සඳහන් වේ.

රජය විසින් මෙවැනි වැඩසටහනක් ක්‍රියාත්මක කර ඇතිද යන්න පිළිබඳව ප්‍රධාන මාධ්‍ය වාර්තා කර හෝ දැන්වීම් පළ කර ඇතිද යන්න පිළිබඳව factseeker සොයා බැලු අතර එවැන්නක් වාර්තා කර නොමැති බව තහවුරු විය.
මේ සම්බන්ධයෙන් ජනාධිපති මාධ්‍ය අංශයෙන් විමසු අතර ඔවුන් සඳහන් කළේ එවැනි වැඩසටහනක් ක්‍රියාත්මක කර නොමැති අතර පැතිර යන පුවත අසත්‍ය බවය.
මේ සම්බන්ධයෙන් ශ්‍රී ලංකා පරිගණක හදිසි ප්‍රතිචාර සංසදයෙන් ද විමසීමක් කළ අතර ඔවුන් ද සඳහන් කළේ මෙවැනි ව්‍යාජ සබැඳීන් links හරහා විවිධ වංචාවන් සිදුවන බැවින් එවැනි සබැඳීන් (links) විවෘත කර බැලීමෙන් වළකින ලෙසයි.

ඒ අනුව ශ්‍රී ලංකා තරුණ සවිබල ගැන්වීමේ අරමුදලේ වැඩසටහන 2024 යටතේ ප්‍රතිලාභ ලබාදීම යනුවෙන් හුවමාරුවන පෝස්ටුව අසත්‍ය එකක් බව factseeker තහවුරු කරයි.