இந்த ஆண்டும் 20,000 பொலிஸ் அதிகாரிகள் ஓய்வு பெறவுள்ளதாக பதுளை மாவட்ட நாடாளுமன்ற உறுப்பினர் சாமர சம்பத் தசநாயக்க கடந்த 18 ஆம் திகதி நாடாளுமன்றத்தில், தெரிவித்திருந்தார்.

1987, 88, 89, 90, 91 மற்றும் 1992 ஆம் ஆண்டுகளில் பொலிஸ் சேவையில் இணைந்த கடமையாற்றும் 20,000 பொலிஸ் அதிகாரிகள் பொலிஸ் சேவையிலிருந்து ஓய்வு பெறவுள்ளதாகவும், எனினும் புதிதாக வெறுமனே அறுநூறுக்கு அண்ணளவான அதிகாரிகளே பயிற்ச்சி பெற்று வருவதாகசவும் நாடாளுமன்ற உறுப்பினர் சாமர சம்பத் சுட்டிக்காட்டினார். தான் கூறிய கருத்து உண்மையா பொய்யா என அமைச்சர் கூறவேண்டும் எனவும் அவர் தெரிவித்தார்.

கடந்த 18 ஆம் திகதி பொது பாதுகாப்பு மற்றும் நாடாளுமன்ற விவகார அமைச்சகம் மற்றும் பாதுகாப்பு அமைச்சகத்தின் செலவினத் தலைப்புகள் குறித்து நாடாளுமன்றத்தில் நடைபெற்ற விவாதத்தின் போது தனது கருத்துக்களை வெளிப்படுத்தும் போதே அவர் இந்தக் கருத்தை தெரிவித்தார்.

எனவே, சாமர சம்பத் தசநாயக்க எம்.பியின் இந்த தரவுகள் மற்றும் கருத்து உண்மையா என்பதை factseeker ஆராய்ந்தது. அதற்கமைய பொது பாதுகாப்பு மற்றும் நாடாளுமன்ற விவகார அமைச்சிடம் விசாரணைகளை மேற்கொண்டதில், அமைச்சின் உத்தியோகபூர்வ தரவுகளை பெற்றுக்கொள்ள முடிந்தது.

அமைச்சின் தரவுகளுக்கு அமைய, 2025 முதல் 2030 வரையிலான அடுத்த ஐந்து ஆண்டுகளில் பொலிஸ் சேவை மற்றும் சிறப்பு அதிரடி படையிலிருந்து ஓய்வு பெறுபவர்கள் குறித்த புள்ளிவிவரங்கள் கிடைத்தன.

அந்தப் புள்ளிவிவரங்களின்படி, அடுத்த ஐந்து ஆண்டுகளில் (2030) பொலிஸ் சேவையிலிருந்து ஓய்வு பெறுபவர்களின் மொத்த எண்ணிக்கை 15,223 மற்றும் சிறப்பு அதிரடி படையிலிருந்து ஓய்வு பெறுபவர்களின் மொத்த எண்ணிக்கை 463 என தெரிவிக்கப்பட்டுள்ளது.

இந்தப் பட்டியலில் பொலிஸ் பாதுகாப்பு உதவியாளர்கள், ஐஜிபிக்கள்,சிரேஷ்ட டிஐஜிக்கள், டிஐஜிக்கள், பெண் டிஐஜிக்கள் மற்றும் சிரேஷ்ட பொலிஸ் கண்காணிப்பாளர்கள் பதவிகளில் இருந்து ஓய்வு பெறுபவர்களின் எண்ணிக்கை அடங்கும். அதன்படி, 2025 ஆம் ஆண்டில் 2,635 பேரும், 2026 ஆம் ஆண்டில் 2,098 பேரும் காவல் சேவையிலிருந்து ஓய்வு பெற உள்ளனர்.

மேலும், 2025 ஆம் ஆண்டில் 72 காவல்துறை அதிகாரிகளும், 2026 ஆம் ஆண்டில் 45 பேரும் ஓய்வு பெறுவார்கள்.

அதன்படி, இந்த ஆண்டு 20,000 பொலிஸ் அதிகாரிகள் ஓய்வு பெறுவார்கள் என்று நாடாளுமன்ற உறுப்பினர் சாமர சம்பத் தசநாயக்க தெரிவித்த கருத்து தவறானது என்பதை factseeker உறுதிப்படுத்துகிறது.