“சுனிதா வில்லியம்ஸ் விண்வெளியில் இருந்து மகா கும்பமேளாவின் புகைப்படங்களை எடுத்தார்” என புகைப்படத்தினுடனான பதிவொன்று சமூக வலைதளங்களில் பகிரப்படுவதை FactSeeker இனால் அவதானிக்க முடிந்தது.

நாசாவின் விண்வளி வீராங்கனையான சுனிதா வில்லியம்ஸ் சர்வதேச விண்வெளி மையத்தில் 9 மாதங்களாக தங்கியிருந்த நிலையில் இன்று (19) ‘ஸ்பேஸ்எக்ஸ்’ நிறுவனத்தின் ‘டிராகன்’ விண்கலத்தின் மூலமாக பூமியை வந்தடைந்தார். இந்நிலையில் கடந்த 2 மாதங்களாக இந்தியாவில் இடம்பெற்ற மஹா கும்பமேளா நிகழ்வின் புகைப்படத்தை சுனிதா வில்லியம்ஸ் விண்வெளியில் இருந்து எடுத்தார் என புகைப்படத்தினுடனான பதிவுகள் சில பகிரப்பட்டு வருகின்றன.

அவை சமூக வலைதளங்களில் அதிகம் பகிரப்படுவதால் FactSeeker இது குறித்து ஆராய்ந்தது.

இது தொடர்பான செய்திகள் இந்தியா மற்றும் சர்வதேச செய்தி தளங்களில் வெளியாகியுள்ளனவா என ஆராய்ந்ததில் இது குறித்த எந்தவொரு உத்தியோகபூர்வ செய்திகளும் வெளியாகவில்லை என்பதை உறுதிப்படுத்த முடிந்தது.

மேலும், சுனிதா வில்லியம்ஸினால் விண்வெளியிலிருந்து எடுக்கப்பட்ட புகைப்படம் என இப் பதிவில் பயப்படுத்தப்பட்டுள்ள அப் புகைப்படத்தை Goolge Lens மூலம் ஆராய்ந்ததில், இது இஸ்ரோ (ISRO) என அழைக்கப்படும் இந்திய விண்வெளி ஆராய்ச்சி நிறுவனத்தினால் வெளியிடப்பட்ட புகைப்படம் என்பதை அறிய முடிந்தது.

• https://x.com/ISROSight/status/1882030314123653481/photo/3

இது குறித்த உத்தியோகப்பூர்வ செய்திகளும் வெளியாகியுள்ளன.

• https://timesofindia.indiatimes.com/etimes/trending/isro-shares-breathtaking-images-of-maha-kumbh-2025-from-space/articleshow/117555721.cms
• https://news.abplive.com/cities/isro-shares-before-and-after-satellite-images-of-massive-maha-kumbh-mela-as-seen-from-space-pics-1745923

ஆகவே, “சுனிதா வில்லியம்ஸ் விண்வெளியில் இருந்து மகா கும்பமேளாவின் புகைப்படங்களை எடுத்தார்” என சமூகவலைதளங்களில் பகிரப்படுகின்ற பதிவுகள் உண்மைக்கு புறம்பானவை என்பதையும் அப் புகைப்படம் இந்திய விண்வெளி ஆராய்ச்சி நிறுவனத்தினால் வெளியிடப்பட்ட புகைப்படம் என்பதையும் FactSeeker உறுதிப்படுத்துகிறது.