கண்டி ஸ்ரீ தலதா மாளிகையில் உள்ள புத்த பகவானின் புனித தந்த தாதுவை நேரடியாக தரிசிக்கும் ஸ்ரீ தலதா வழிபாடு நிகழ்வு நடைபெற்று வருகின்றது. இந்நிலையில் ஸ்ரீ தலதா மாளிகையில் உள்ள புனித தந்த தாது என பல காணொளிகள் சமூகவலைதளங்களில் பகிரப்படுவதை FactSeeker இனால் அவதானிக்க முடிந்தது.

ஸ்ரீ தலதா மாளிகையில் புகைப்படம் மற்றும் காணொளிகள் பதிவுசெய்யப்படுவது முற்றிலும் தடைசெய்யப்பட்டுள்ள நிலையில் இவ்வாறான காணொளிகள் பகிரப்படுவதால் FactSeeker இது குறித்து ஆராய்ந்தது.

“Replica tooth relics of Shakyamuni Buddha from Kandy ” என்ற தலைப்பில் Facebook தளத்தில் பதிவிடப்பட்டிருந்த காணொளியை ஆராய்ந்ததில், இத்தகைய நகல் தந்த தாதூக்கள் பல உலக நாடுகளில் காட்சிப்படுத்தப்பட்டுள்ளன என்பதை அறியமுடிந்தது. மேலும், இக் காணொளியை Google Lens மூலம் ஆராய்ந்ததில், இது கடந்தாண்டு ஏப்ரல் 30 ஆம் திகதி ‘Waki Relic Museum’ என்ற முகநூல் பக்கத்தில் பதிவிடப்பட்ட காணொளி என்பதையும் இக் காணொளி மலேசியாவின் கோலாலம்பூரில் அமைந்துள்ள Waki Relic அருங்காட்சியகத்தில் எடுக்கப்பட்ட காணொளி என்பதையும் உறுதிப்படுத்த முடிந்தது.

இதன் மூலம், இக் காணொளியில் இருப்பது ஸ்ரீ தலதா மாளிகையில் உள்ள புனித தந்த தாது அல்ல என்பதை FactSeeker உறுதிப்படுத்துகிறது.

இதேபோல் தங்க நிற கம்பிகளால் சூழப்பட்ட தாமரை மலர் வடிவில் வடிவமைக்கப்பட்ட பாத்திரத்தில் வைக்கப்பட்டிருந்த தந்த தாது போன்ற பொருளொன்றின் காணொளியும் “ஸ்ரீ தலதா மாளிகையில் உள்ள புனித தந்த தாது” என்ற தலைப்பில் பகிரப்படுவதை அவதானிக்க முடிந்தது. அக் காணொளியை ஆராய்ந்ததில், இது புனித தந்த தாதுவின் நகல் உருவாக்கம் (replica relic) என்பதை அறிய முடிந்தது.

மேலும், இக் காணொளிகள் குறித்து கண்டி ஸ்ரீ தலதா மாளிகையின் ஊடகப்பிரிவின் தலைமை அதிகாரி சுபாஷ லியனகேவிடம் FactSeeker வினவிய போது, இவை ஸ்ரீ தலதா மாளிகையில் எடுக்கப்பட்ட காணொளிகள் அல்ல என்றும் புனித தந்த தாது சிறப்பு வழிப்பாடின் போது புகைப்படங்கள் மற்றும் காணொளிகள் எடுக்க அனுமதி வழங்கப்படவில்லை என்றும் தெரிவித்தார்.

ஆகவே, ஸ்ரீ தலதா மாளிகையில் உள்ள புனித தந்த தாது என்ற தலைப்பில் சமூகவலைதளங்களில் பகிரப்படுகின்ற காணொளிகள் கண்டி ஸ்ரீ தலதா மாளிகையில் புனித தந்த தாது சிறப்பு வழிப்பாடின் போது எடுக்கப்பட்ட காணொளிகள் அல்ல என்பதை FactSeeker உறுதிப்படுத்திக்கிறது.