මෙහි සඳහන් වූයේ,  දණ්ඩනයට ලක්වීම නිසා ඔවුන්ගේ ඉලෙක්ට්‍රොනික ගබඩාවන් ඉක්මනින් වසා දැමීමට කටයුතු කරන අතර, එම ගබඩාවල ඇති ඉලෙක්ට්‍රොනික උපාංග අහඹු කොටස් වශයෙන් නොමිලේ ලබා දීමට කටයුතු කර ඇති බවයි. එසේම TEMU ඔන්ලයින් වේදිකාවේ නිල වෙබ් අඩවියේ කෙටි සමීක්ෂණයක් සම්පූර්ණ කර ඇති පුද්ගලයින්ට මෙය ලබා ගත හැකි බවත් ඒ සඳහා අයදුම් කිරීමට සබැඳියක් ද එහි ඇතුළත් කර තිබිණි.

Temu ඔන්ලයින් භාණ්ඩ අලෙවි ආයතනය 2022 වසරේදී ආරම්භ කර ඇති අතර එය වේගයෙන් වර්ධනය ව්‍යාපාරයකි. ප්‍රධාන වශයෙන් චීන සැපයුම්කරුවන්ගෙන් සෘජුවම ලබා ගන්නා  නිෂ්පාදන රාශියක් සහිත PDD හෝල්ඩින්ග්ස් නැමැති ව්‍යාපාරයට අයත් වේදිකාවකි. මේ තුළින්, පාරිභෝගිකයින් නිෂ්පාදකයින් සහ වෙළඳුන් සමඟ සම්බන්ධ කරන අතර, ඉලෙක්ට්‍රොනික උපකරණ, විලාසිතා, ගෘහ භාණ්ඩ සහ රූපලාවන්‍ය නිෂ්පාදන වැනි කාණ්ඩ හරහා පුළුල් පරාසයක භාණ්ඩ සපයනු ලබයි.

කෙසේ නමුත් TEMU ඊ-වාණිජ්‍ය වේදිකාව මෙවැනි නෛතිකමය ගැටළුවකට හසුවී තිබේද? යන්න පිළිබඳව FactSeeker අන්තර්ජාලය හරහා තොරතුරු විමසා බැලූ නමුත් එවැනි සිදුවීමකට අදාළ කිසිදු තොරතුරක් හෝ පිළිගත හැකි මූලාශ්‍රයක් හමුනොවුණි.

මෙම පළකිරීම සිංහල භාෂාවෙන් තිබූ නමුත් එහි අදහස් පළකිරීම් තීරුව නිරීක්ෂණය කිරීමේදී සියළුම අදහස් දැක්වීම් කර ඇත්තේ, විදෙස් පුද්ගලයින්ගේ ගිණුම් ඔස්සේ බව නිරීක්ෂණය කළ හැකි විය.

ඒ අනුව මෙම පළ කිරීම සත්‍ය ද යන්න පිළිබඳ සැක මතු වූ හෙයින්  එහි අන්තර්ගත සබැඳිය සත්‍යද යන්න තහවුරු කර ගැනීම සඳහා URLVoid සහ Easy Demark ඔස්සේ කරුණු පරීක්ෂා කරන ලදී. ලැබූ ප්‍රතිඵල අනුව අදාල සබැඳිය සත්‍ය නොවන බව තහවුරු විය.

ඒ අනුව නීත්‍යානුකූල නොවන පරිදි භාණ්ඩ ආනයනය කිරීම සම්බන්ධයෙන් TEMU ඊ-වාණිජ්‍ය වේදිකාව දණ්ඩනයට ලක්වී ඇති බව සඳහන් සමාජ මාධ්‍ය පළ කිරීම, වංචනික සබැඳියක් ප්‍රවර්ධනය කිරීම සඳහා සකස් කරන ලද අසත්‍ය ප්‍රචාරයක්  බව FactSeeker තහවුරු කරයි.