මෙරට ප්‍රමුඛ පෙළේ වෙළෙඳ නාමයක් වන Spa Ceylon ආයතනය වෙනත් නිෂ්පාදනයක ප්‍රවර්ධන වැඩසටහනක් ආරම්භ කර ඇති බව සඳහන් සමාජ මාධ්‍ය සටහනක් FactSeeker නිරීක්ෂණය කළේ ය.

Spa Ceylon ආයතනය වෙනත් වෙළෙඳ සමාගම් හා සම්බන්ධ වී වෙළෙඳපොළට නිකුත් කිරීමට බලාපොරොත්තු වන මෙම නව නිෂ්පාදනය සම්බන්ධයෙන් පාරිභෝගික අදහස් කෙසේ දැයි යන්න තොරතුරු රැස් කරන බව මෙම සටහනේ සඳහන් වී තිබිණි.

මෙහි සඳහන් අන්දමට Luxury Beauty Mystery Box යනුවෙන් සඳහන් ඇසුරුමක් රු.600 ක් වැනි සුළු මුදලකට ලබාගත හැකියි. ඒ අයුරින් ලබාගත් පාර්සලයක් හා එහි බිල්පතක් සමඟින් ඡායාරූපයක් ද එම සටහනේ සඳහන් කර ඇත.

ඒ අනුව මෙහි සඳහන් වන පරිදි Spa Ceylon හි යම් ප්‍රවර්ධන වැඩසටහනක් ක්‍රියාත්මක වෙනවා ද? යන්න පිළිබඳව Factseeker සොයා බැලීය.

ඒ අනුව Spa Ceylon ආයතනයේ ප්‍රධාන ශාඛාවේ මානව සම්පත් කළමණාකරණ අංශයෙන් කළ විමසීමේදි සඳහන් කළේ, එවැනි කිසිදු ප්‍රවර්ධන වැඩසටහනක් සිදු නොවන බවයි. එමෙන්ම මේ සම්න්ධයෙන් ඔවුන් තම නිල සමාජ මාධ්‍ය පිටු හරහා නිවේදනයක් නිකුත් කර තිබෙන බවද සඳහන් කළේය.

එවැනි ප්‍රවර්ධන වැඩසටහනක් හෝ දීමනා ලබා දීමක් සිදු වන්නේ නම්, ඒ පිළිබඳ ඔවුන්ගේ කාර්ය මණ්ඩලයෙන් හා නිල වෙබ් පිටුවේ පළ කරන බව ද ඔවුන් වැඩිදුරටත් පැවැසීය.

‍ඒ අනුව Spa Ceylon ආයතනය හරහා රුපියල් 600 කට ලබාගත හැකි බව දැක්වෙන නිෂ්පාදන පෙළක් සම්බන්ධයෙන් සමාජ මාධ්‍ය හරහා පළවන සටහන් ව්‍යාජ බව FactSeeker තහවුරු කරයි.