එම නිවේදනය මෙසේ ය.

“ෆේස්බුක් නිවේදනය!

ඔබගේ ෆේස්බුක් ගිණුම සහ පිටුව අපගේ ප්‍රජා ප්‍රමිතීන් උල්ලංඝනය කරන බවට අපට වාර්තා කිහිපයක් ලැබී ඇත. කරුණාකර අපගේ නියමයන්, කොන්දේසි සහ ප්‍රතිපත්ති බැරෑරුම් ලෙස සලකන්න.

අපගේ පරිශීලකයින්ගේ ආරක්ෂාව සඳහා, ඔබගේ ගිණුම ඉදිරි පැය 24 සඳහා ස්වයංක්‍රීයව සහ ස්ථිරවම අගුළු දමනු ලැබේ.

ඉහත තොරතුරු වල කිසියම් දෝෂයක් තිබේ නම්, කරුණාකර අප හා සම්බන්ධ වන්න එවිට අපට එය සමාලෝචනය කර මෙම ගිණුම භාවිතා කිරීම දිගටම කරගෙන යා හැක.

අපගේ සහාය කණ්ඩායම අමතන්න: (සබැඳියක් දැක්වේ.)

දැනුම්දීම ලැබීමෙන් පැය 24ක් ඇතුළත ඔබ ඔබේ තොරතුරු සත්‍යාපනය කළ යුතුය. අපට ප්‍රතිචාරයක් නොලැබුනේ නම්, ඔබේ ගිණුම ස්ථිරවම අක්‍රිය කරනු ලැබේ. මෙම තීරණය අවසාන වන අතර එය වෙනස් කළ නොහැක. ඔබගේ සහයෝගය සහ අවබෝධය සඳහා ස්තූතියි.

ඔබගේ ගිණුම සත්‍යාපනය කිරීමට කරුණාකර මෙම ස්වයංක්‍රීය පණිවිඩය පිළිගන්න.

– ෆේස්බුක් සහාය කණ්ඩායම”

යනුවෙන් එම පණිවිඩයේ වැඩිදුරටත් සඳහන් විය.

මෙම පණිවිඩය ලැබී ඇති වට්ස්ඇප් අංක පිළිබඳ කළ නිරීක්ෂණයේදී ඒවා වියෙට්නාමයේ දුරකථන කේතය (Country Code) වන +84 සහිත අංක බව හදුනාගත හැකි විය. මෙහිදී ‘ෆේස්බුක් සහාය කණ්ඩායම’ ලෙස හඳුන්වාගත් අය විසින් යොමු කර තිබෙන සබැඳිය නිරීක්ෂණය කිරීමේදී, එය කෙටි සබැඳියක් (Short URL) ලෙස සකස් කර තිබීම නිසා අපි එය සත්‍ය සබැඳියක් ද යන්න කරුණු පරීක්ෂා කළෙමු. ව්‍යාජ සබැඳි සත්‍යාපනය කළ හැකි මෙවලම් වන URLVoid සහ Cifas වෙබ්අඩවි ඔස්සේ මෙම සබැඳිය පරීක්ෂාවේදී එය ව්‍යාජ සබැඳියක ලක්ෂණ සහිත බව තහවුරු කර ගැනීමට හැකි විය.

Meta සමාගම විසින් ෆේස්බුක් උදව් මධ්‍යස්ථානයෙහි (Help Center) සැකකටයුතු සබැඳි සම්බන්ධයෙන් පරිශීලකයින් කටයුතු කළ යුතු ආකාරය පෙන්වා දී තිබේ.

එම මාර්ගෝපදේශ සඳහා මෙතැනින් පිවිසෙන්න.

ඒ අනුව, ෆේස්බුක් සහාය කණ්ඩායම ලෙස හඳුන්වා ගනිමින් ප්‍රජා ප්‍රමිතීන්(Community Standards) උල්ලංඝනය කරන බව සඳහන් කරමින් යොමුවන වට්ස්ඇප් පණිවිඩය ව්‍යාජ පණිවුඩයක් වන බවත් මෙටා සහාය කණ්ඩායම ඇමතීමට ලබා දී ඇති සබැඳිය ව්‍යාජ සබැඳියක් බවත් FactSeeker තහවුරු කරයි. එමෙන්ම මෙවැනි වංචනික සබැඳි වෙත පිවිසීමෙන් වළකින ලෙස FactSeeker පරිශීලක ඔබගෙන් ඉල්ලා සිටී.