මේ අතර එම අනතුර සිදුවීමට සුළු මොහොතකට පෙර යැයි සදහන් කරමින් වීඩියෝ පටයක් දෙරණ හා හිරු රූපවාහිනී නාලිකාවන් හි පුවත් විකාශයන් අතරතුර සහ ඒවායේ සමාජ මාධ්‍ය පිටු හරහා උඩුගත කර තිබුණි.

https://www.facebook.com/share/v/16rEw8GNHw/

” ඇල්ල බස් රථ අනතුර සිදුවීමට මොහොතකට පෙර” යනුවෙන් මෙම වීඩියෝව පළ කර තිබුණි.මේ සම්බන්ධයෙන් ඇතැම් පිරිස් එය මීට පෙර අවස්ථාවකදී ගන්නා ලද වීඩියෝවක් බව සදහන් කර තිබීම නිසා FactSeeker මෙම වීඩියෝව කුමක් ද? යන්න පිළිබඳ සොයා බැලීය.

ප්‍රවෘත්ති විකාශයන් හරහා උඩුගත කර තිබූ මෙම වීඩියෝව TikTok සමාජ ජාලයෙන් උපුටාගෙන ඇති බව විමර්ෂණය කිරීමේදී පැහැදිලි විය. ඒ අනුව TikTok සමාජ ජාලය තුළ මෙම වීඩියෝවේ පළකිරීම් පිළිබදව සොයා ගැනීමට හැකිවිය.

https://vt.tiktok.com/ZSAEsdorQ/

“සිහිනමන්දාකිනී Unlimited tours” යන TikTok ගිණුම හරහා මෙම වීඩියෝව උඩුගත කර තිබෙන බව අපට හඳුනා ගැනීමට හැකි විය. එය අප්‍රේල් මස 01 වන දින පළකර ඇති බව ද නිරීක්ෂණ විය. මෙම වීඩියෝ දර්ශනයන් නිරීක්ෂණය කිරීමේදී එහි සිටින පුද්ගලයින්ගේ සහ රූපරාමු වල පැවති සමානකම් හේතුවෙන් එය 04.01 වනදා පලකරන ලද වීඩියෝවම බව හොදින් තහවුරු විය.

අනතුරට ලක් වූ බස් රථය ද “සිහින මන්දාකිනී” යන අන්වර්ත නාමයෙන් හදුන්වයි.

මේ අනුව ඇල්ල වැල්ලවාය මාර්ගයේ 23 කණුව අසලදී සිදුවූ අනතුරට සුළු මොහොතකට පෙර යනුවෙන් සදහන් කරමින් පළකරන ලද වීඩියෝව ඊට පෙර අවස්ථාවකදී ගන්නා ලද්දක් බව FactSeeker තහවුරු කරයි.