මෙම පෝස්ටු අතර හිරුණිකා ප්‍රේමචන්ද්‍ර සිය සැමියා සමග ජනාධිපති රනිල් වික්‍රමසිංහ හමුවී ඇති බවටත්  හිටපු ජනාධිපතිනි චන්ද්‍රිකා බණ්ඩාරනායක කුමාරතුංග හමු වී ඇති බවටත් සඳහන් කරන ඡායාරූප සහිත පෝස්ට් මෙසේ හුවමාරු වන බව factseeker නිරීක්ෂණය කළේ ය.

මෙම ඡායාරූපවල සත්‍ය අසත්‍යතාව factseeker සොයා බැලීය.

මෙලෙස හුවාමාරු වන පෝස්ට් Google Reverse Image Search හරහා සොයා බැලුවිට මෙම ඡායාරූප 2019 මාර්තු 25 අරලියගහ මන්දිරියේදී පැවැති සාදයකදී ලබාගෙන ඇති බව තහවුරුවිය.

එම කාලසීමාවේදී හිරුණිකා ප්‍රේමචන්ද්‍ර එක්සත් ජාතික පක්ෂය නියෝජනය කළ අතර රනිල් වික්‍රමසිංහ ඒ වන විට අග්‍රාමාත්‍ය ධුරය හෙබවීය.

එමෙන්ම චන්ද්‍රිකා බණ්ඩාරනායක සමග සිටින ඡායාරූපයද එම සාදයේදීම ගත් ඡායාරූපයක් බවට තහවුරු විය.

සමාජ මාධ්‍ය තුළ හුවමාරු වන මෙම පෝස්ට් සම්බන්ධයෙන් හිරුණිකා ප්‍රේමචන්ද්‍රගෙන් factseeker විමසු අතර එහිදී ඇය ද මෙම ඡායාරූප 2019 වර්ෂයේ සාදයකදී ගත් ඒවා බව තහවුරු කළාය. එමෙන්ම මෙම කාලසීමාව තුළදී රනිල් වික්‍රමසිංහ ජනාධිපතිවරයා සාදයකදී හෝ තමාට හවු නොවු බවද ඇය වැඩිදුරටත් ප්‍රකාශ කළාය.

ඒ අනුව සමාජ මාධ්‍ය තුළ හුවවාරු වන මෙම ඡායාරූප මේ වසරේදී ගත් ඡායාරූප නොව 2019 වසරේදී ගත් ඡායාරූප බව factseeker තහවුරු කරයි.