මෙය හිටපු අමාත්‍ය නවීන් දිසානායක විසින් සිය ෆේස්බුක් ගිණුමේ පළ කර ඇති බව දක්වමින් පෝස්ටු කිහිපයක් සංසරණය වන බව FactSeeker නිරීක්ෂණය කළේ ය.

ජනාධිපතිවරණය පරාජය වීමත් සමග රනිල් වික්‍රමසිංහ පාර්ශවය හා සජිත් ප්‍රේමදාස පාර්ශවය සන්ධාන ගත වී ඉදිරි පාර්ලිමේන්තු මැතිවරණයට තරඟ කළ යුතු යෝජනා ඉදිරිපත් වී තිබෙන අවස්ථාවක මෙවැනි ඡායාරූපයක් ප්‍රචාරය වීම බොහෝ දෙනාගේ කතා බහට ලක් වී තිබිණි.

ඒ අනුව FactSeeker ඒ පිළිබඳ කළ කරුණු පරීක්ෂාවේදී  අනාවරණය වූයේ, මෙය 2019 සැප්තැම්බර් මස 26 දා  නවීන් දිසානායකගේ ෆේස්බුක් ගිණුම හරහා පළ කර තිබූ පෝස්ටුවක් බවයි.

එම සබැඳිය මෙතැනින් –

https://www.facebook.com/share/Pg6h8rKz68X1WEEg/?mibextid=xfxF2i

මේ පිළිබඳව වැඩිදුර නිරීක්ෂණය කිරීමේදී රනිල් වික්‍රමසිංහගේ ප්‍රධානත්වයෙන් 2019 සැප්තැම්බර් මස පක්ෂ ජ්‍යේෂ්ඨයින්ගේ හමුවක දී ගනු ලැබූ ඡායාරූපයක් බව හඳුනා ගැනීමට හැකි විය.

එය 2020 ජනාධිපතිවරණයේ එක්සත් ජාතික පක්ෂයේ ජනාධිපති අපේක්ෂක තේරීම ආසන්නයේ දිනයක වූ සාකච්ඡාවක් දී ගත් ඡායාරූපයක් බවද වැඩිදුරටත් අනාවරණය විය.

“සජිත් ප්‍රේමදාස කෘත්‍යාධිකාරි හමුවීමට පෙර අරලියගහ මන්දිරයට” යනුවෙන් හිරු වෙබ් අඩවියේ පළ තිබුණේ මේ අයුරින් –  https://shorturl.at/zoyAq

ඒ නුව මෙය 2019 වසරේ අමාත්‍ය නවීන් දිසානායකගේ නිල ෆේස්බුක් පිටුවෙන් මුදා හැරුණු පෝස්ටුවක් වන අතර ජනතාව නොමඟ යැවීමට නැවත හුවමාරු  කිරීමක් බවත් FactSeeker තහවුරු කරයි.