“අද පැරෂුට් පුහුණුවේදී අනතුරට ලක්වුණේ යුද්දෙන් පස්සේ හමුදාවට බැදුනු අයයි. සැබෑ රණවිරුවෝ දැන් විශ්‍රාමිකයි. ඔවුන් දැන් ඉන්නේ මාළිමා වේදිකාවේ” යනුවෙන් සදහන් කරමින් සුනිල් හදුන්නෙත්ති මහතාගේ ඡායාරූපය ද සමගින් මෙම පෝස්ටුව හුවමාරු වෙමින් පවතී.

මෙම පෝස්ටුව සදහා බොහෝ දෙනා විවිධ අදහස් දක්වමින් හුවමාරු කරගන්නා බැවින් මේ පිළිබඳව Factseeker සොයා බැලීය.

මෙම පොස්ටුවේ සඳහන් වන්නේ මෙය Newshub.lk වෙඩ් අවඩිය විසින් පළ කළ බවකි. මේ සම්බන්ධයෙන් ඔවුන්ගේ වෙබ් පිටු සහ සමාජ මාධ්‍ය පිටු නිරීක්ෂණය කළද එවැන්නක් හමු නොවු අතර සුනිල් හදුන්නෙත්ති මහතාගේ සමාජ මාධ්‍ය පිටුවල ද එවැන්නක් සඳහන් නොවන බව  Factseeker නිරීක්ෂණය කළේ ය.

හිටපු පාර්ලිමේන්තු මන්ත්‍රී සුනිල් හදුන්නෙත්ති මහතා මෙවැනි අදහසක් ප්‍රකාශ කළේදැයි  ජනතා විමුක්ති පෙරමුණේ මාධ්‍ය අශයෙන් විමසීමේදී ඔහු එවැන්නක් ප්‍රකාශ නොකළ බව හදුන්නෙත්ති මහතාගෙන් තහවුරු කරගනිමින් දැන්වීය.

එමෙන්ම Newshub.lk  වෙබ් අඩවියේ කණ්ඩායමෙන් මේ සම්බන්ධයෙන් විමසීමේදී ඔවුන්ද පැවසුයේ මෙවැනි පුවතක් ඔවුන් පළ නොකළ බවයි.

ඒ අනුව සමාජ මාධ්‍ය තුළ හුවමාරු වන මෙම පොස්ටුව ව්‍යාජ ලෙස සැකසු එකක් බව Factseeker තහවුරු කරයි.