මෙය සත්‍ය ද? යන්න පිළිබඳව පරීක්ෂා කර දෙන ලෙස Factseeker ට ලැබුණු ඉල්ලීම් කිහිපයක් නිසා ඒ පිළිබඳ සොයා බැලීය.

මෙහි හුවමාරු වන එක් පණිවුඩයක සඳහන් වන්නේ, සෑම නිවසකටම රුපියල් 50 000ක ආධාර මුදලක් ලබාදීමට ජනාධිපතිවරයා අනුමැතිය ලබා දී ඇති බවයි. එම මුදල ලබාගැනීම සඳහා අයදුම් කරන ලෙස සබැඳියක් ද යොමු කර ඇත

මෙම සැබැඳිය වෙත පිවිසීමේදී පහත සඳහන් පිවිසුම පෙන්වන ලදී.

එමෙන්ම වයස අවුරුදු 18 ට වැඩි සෑම පුරවැසියෙක්ටම රුපියල් 100 000ක රජයේ ආධාර මුදලක් ලබාදෙන බව සඳහන් පෝස්ටුවක් ද මේ අතර සංසරණය වෙයි.

ඒ සඳහා ලියාපදිංචි වීමට හා එම මුදල ලබාගැනීමට අදාළ රූපය මත ක්ලික් (Click) කරන ලෙස වැඩිදුරටත් දැක්වේ.

https://www.facebook.com/share/p/1Cn9ViTq1y/

මෙම අධාර මුදල් ලබාදීම් සම්බන්ධයෙන් සඳහන් පළකිරීම් පිළිබඳ ජනාධිපති මාධ්‍ය අංශයෙන් කළ විමසීමේදී මෙම පළකිරීම් සම්පූර්ණ අසත්‍ය බව තහවුරු කළේය.

ඒ අනුව සමාජ ජාල හරහා හුවමාරු වන මෙම පණිවිඩ අසත්‍ය බව FactSeeker තහවුරු කරයි.