මෙවර ජනාධිපතිවරණයේදී ඉළංගෛ තමිළ් අරසුකච්චි පක්ෂය සජිත් ප්‍රේමදාසට සහය පළ කරන බව යාපනය දිස්ත්‍රික් පාර්ලිමේන්තු මන්ත්‍රී එම්.ඒ සුමන්තිරන් මාධ්‍ය හමුවක් පවත්වමින් ප්‍රකාශ කළේය.

ඒ සමඟම මෙවැනි පෝස්ට් හුවමාරු වු බැවින් මේ පිළිබඳ සොයා බැලීමට factseeker කටයුතු කළේය.

හුවමාරු වන පොස්ට් මව්බිම සහ CEYLON TODY  පුවත්පත්වල පළවු වාර්තාවක් ලෙස සඳහන් වන බැවින් මේ පිළිබඳ පුවතක් අදාළ පුවත්පත්වල පළවී ඇත්දැයි සොයා බැලුවෙමු.

සුමන්තිරන් මන්ත්‍රීවරයා මේ බව පසුගිය 02 දා මාධ්‍ය හමුවක් පවත්වා සඳහන් කළ අතර  ඒ අනුව 03 දා පුවත්පත්වල මෙය වාර්තාවී ඇති අකාරය factseeker නිරීක්ෂණය කළ අතර ඒවායෙහි මෙවැනි වාර්තාවක් හමු නොවුණි. මව්බිම සහ CEYLON TODY  පුවත්පතවල ද මෙවැනි වාර්තාවක් පළ කර නොතිබිණි.

මෙසේ හුවමාරු වන පෝස්ට්  සම්බන්ධයෙන් factseeker සුමන්තිරන් මන්ත්‍රීවරයාගෙන් විමසීමක් කළෙමු. එහිදී ඔහු පැවසුවේ, 2019 පැවති ජනාධිපතිවරණයට අදාළව පුවත්පත් දෙකක් පළකර තිබු වාර්තාවක් මෙලෙස හුවමාරු වන බවයි. 2019 දී එය සත්‍ය විකෘති කර වාර්තා කර ඇති බවත් තමා කිසිවිටික එවැන්නක් ප්‍රකාශ නොකළ බවද හෙතෙම පැවසීය.

2019 දී පැවති ජනාධිපතිවරණයට අදාළව 2019 නොවැම්බර් 11 දා මඩකලපුවේදී දෙමළ භාෂාවෙන් කළ ප්‍රකාශයක් විකෘති කර මව්බිම සහ CEYLON TODY පුවත්පත් පළ කර තිබූ බවද ඒ වෙනුවෙන් අධිකරණය ක්‍රියාමාර්ග ගෙන තිබෙන බව ද සඳහන් කළේ ය. එය මේ වන විට විභාග වෙමින් පවතින බවද ඔහු ප්‍රකාශ කළේය.

මේ සම්බන්ධයෙන් තවදුරටත් factseeker සොයා බැලීමේදී අදාළ පුවත් 2019 නොවැම්බර් 13 දා මව්බිම සහ CEYLON TODY පුවත්පත්වල පළ කළ ප්‍රවෘත්ති සොයා ගැනීමට හැකිවිය. එමෙන්ම සුමන්තිරන් මන්ත්‍රීවරයා මේ සම්බන්ධයෙන් නීතිමය ක්‍රියාමාර්ග ගැනීම වෙනුවෙන් යොමු කරන ලද ලිපි ද සොයාගැනීමට හැකිවිය.

ඒ අනුව “සිංහලයා පැරදවිය හැක්කේ සජිත්ට ඡන්දය දුන්නොත් විතරයි” –  සුමන්තිරන් උතුරේ ජනතාවට කියයි. “Sinhalese can be defeated only by voting for Sajith” – Sumanthitan යනුවෙන් වට්සැප් සහ සමාජ මාධ්‍යවල හුවමාරුවන ප්‍රකාශ අසත්‍ය බව factseeker තහවුරු කරයි.