එම පුවත දෙස් විදෙස් බොලිවුඩ් ප්‍රේක්ෂකයින්ගේ විශාල අවධානයට ලක් වීමත් සමඟ ඒ පිළිබඳ  විවිධ පුවත් සමාජ මාධ්‍ය පුරා සංසරණය විය.

ඒ අතර  “අසාධ්‍ය ලෙස රෝහල්ගතව සිටින සයිෆ් අලිඛාන් බැලීමට ගිය සාරා අලී ඛාන් සහ ඊබ්‍රහීම් ඛාන් කඳුළු සලයි!” යනුවෙන් සඳහන් කරමින් සයිෆ් අලී ඛාන් රෝහල් ඇඳක් මත බරපතල තුවාල සහිතව සිටින ආකාරයේ පළ කිරීම් කිහිපයක් FactSeeker හඳුනාගන්නා ලදී.

මේ පිළිබඳ ඉන්දීය මාධ්‍යයන්හි වාර්තා වී තිබූ ආකාරය පිළිබඳව නිරීක්ෂණය කිරීමේදී සයිෆ් අලී ඛාන් බරපතල තුවාල ලබා රෝහල්ගත කිරීම් හෝ ඉහත පළකිරීම්වල සඳහන් ආකාරයේ ඡායාරූප කිසිවක් FactSeeker ට  හමු නොවීය. එසේම වැඩි දුර නිරීක්ෂණය කිරීමේදී එම ඡායාරූපවල වර්ණ ගැලපීම්, ගුණාත්මකභාව (image quality) අඩු මට්ටමක ඇති බව දැකගත හැකි වේ. එබැවින් මෙම ඡායාරූප සංස්කරණය කරන ලද ඡායාරූප බව පැහැදිලිවම නිරීක්ෂණය කළ හැකිය.

මීට අමතරව පිළිගත් ඉන්දීය මාධ්‍ය වෙබ් අඩවියක් වන NDTVහි සයිෆ් අලි ඛාන් අසාධ්‍ය බව සඳහන් පළකිරීම් සම්බන්ධයෙන් සිදු කළ කරුණු පරීක්ෂා කිරීමේ ලිපියක්  FactSeeker හට හමු විය.

එම ලිපිය මෙතැනින්: https://www.ndtv.com/video/fact-check-old-edited-images-falsely-claim-to-show-saif-ali-khan-after-the-attack-891940

අදාළ සිදුවීමෙන් පසු සයිෆ් අලි ඛාන්ගේ මුහුණ සංස්කරණය කරමින් ගොතන ලද පුවත් බොහෝමයක් මෙම ලිපියේ අනාවරණය කර තිබේ. ඉහත ඡායාරූප සහ ඊට සමාන බොහෝ ව්‍යාජ සංස්කරණ ප්‍රමාණයක් මෙම ලිපියේදී කරුණු පරීක්ෂාවට ලක් කර තිබිණි.

එසේම ඊයේ (22) දිනයේදී ඉන්දියානු ප්‍රවෘත්ති වෙබ් අඩවියක් වන E-Times ඇතුළු තවත් වෙබ් අඩවි කිහිපයක් සයිෆ් අලි ඛාන් සුවය ලබා රෝහලෙන් පිටව ගිය බවට තොරතුරු වාර්තා කර තිබේ.

ඒ අනුව සයිෆ් අලි ඛාන් සම්බන්ධයෙන් සමාජ මාධ්‍යයේ හුවමාරුවන ඉහත ඡායාරූප සියල්ලක්ම සංස්කරණය කරන ලද ඡායාරූප බව  FactSeeker තහවුරු කරයි.