සනත් නිශාන්ත මහතාගේ මියයාමෙන් ප්‍රීතියට පත් ජනතාව මහා මාර්ගයේ කිරිබත් පිස සතුටට සමරන  බවට සදහන් කරමින් ඡායාරූපයක් ද සමාජ මාධ්‍ය හරහා හුවමාරු විය.

“බොරැල්ලේ දැන් තත්ත්වය” යනුවෙන් සදහන් කර තිබූ මෙම ඡායාරූපය මුහුණු පොතේ සංසරණය වූයේ සනත් නිශාන්තගේ අභාවය හේතුවෙන් බොරැල්ලේ ජනතාව සතුටට පත් වී කිරිබත් පිසිමින් සතුට සමරන බව දක්වමිනි.

එමෙන්ම මේ සදහා බොහෝ දෙනා අදහස් ප්‍රකාශ කර තිබුණේ ද සැබවින්ම බොරැල්ලේ කිරිබත් පිස ඇති බව සත්‍ය බව අගවමිනි.

මේ නිසා අපි මේ සම්බන්ධයෙන් සොයා බැලීමක් කළෙමු. එහිදී Google Reverse Image උපයෝගී කර ගනිමින් කළ සොයා බැලීමේදී අනාවරණය වූයේ මෙය 2002 දී ගත් ඡායාරූපයක් බව ය.

ඒ අනුව මෙම ඡායාරූපය මහින්ද රාජපක්ෂ මහතා 2022  වසරේදී අගමැති ධූරයෙන් ඉල්ලා අස්වන බවට ප්‍රකාශ කිරීමෙන් සතුටට පත් වූ පංචිකාවත්ත ප්‍රදේශයේ ජනතාව මහා මාර්ගයේ කිරිබත් පිසූ අවස්ථාවේ ගත් ඡායාරූපයකි.

එබැවින් සමාජ මාධ්‍ය හරහා හුවමාරු වන අදාළ ඡායාරූපය සනත් නිශාන්ත මහතගේ අභාවයෙන් පසු ගත් ඡායාරූපයක් නොවන බව Fact seeker තහවුරු කරයි.