සංචාරයක නිරත වන  විදේශිකයින් පිරිසක් රැගත් ජීප් රථ  පෙළක් ඉදිරියෙන් කළු කොටියෙකු ගමන් කරන වීඩියෝවක් සමාජ මාධ්‍ය ඔස්සේ සංසරණය වන බව Factseeker නිරීක්ෂණය කළේ ය.

මෙම වීඩියෝවේ බොහෝ සමාජ මාධ්‍ය පරිශීලකයන් එය සත්‍ය සිදුවීමක් ලෙස ගෙන එය මෙරට වීඩියෝවක් ද ?  යනුවෙන් විමසා තිබුණි. එසේම ඇතැම්හු මෙය සම්පූර්ණයෙන් ම AI බව දක්වා තිබුණි.

කෙසේ වෙතත් මෙම අදහස්වල පවතින පරස්පරතාව හේතුවෙන් Factseeker මේ පිළිබඳ සොයා බැලීය.

Factseeker අදාළ වීඩියෝවේ ඡායාරූප  Al යෙදුම් භාවිතා කර AI ඔස්සේ නිර්මිතදැයි සොයා බැලීය. නමුත් එහිදී සත්‍ය වීඩියෝවක් වීමේ සම්භාවිතාව ඉතා අවම මට්ටමක පැවතුන බව පෙනී ගියේය.

එම නිසා එම ඡායාරූපය google reverse image භාවිතයෙන් විමර්ෂණය කර බැලීමේදී මෙම වීඩියෝවට සමාන ඡායාරූපයක් හමුවිය.

යාල ජාතික වනෝද්‍යානයේ සංචාරකයින් වැඩිවීම සම්බන්ධයෙන් DailyMirror වෙබ් අඩවියේ 2024.12.13 වන දින පළකල පුවතක මෙම ඡායාරූපය යොදා ගෙන තිබූ බව නිරීක්ෂණය විය. නමුත් එහි සිටින්නේ කලු කොටියෙකු නොව දිවියෙකි.

එය මෙතැනින් – https://www.dailymirror.lk/print/front-page/Yala-National-Park-overcrowded-again/238-298041

ඒ අනුව අදාළ වීඩියෝව මෙම ඡායාරූපය යොදාගෙන AI ඔස්සේ නිර්මාණය කර ඇති බව Factseeker තහවුරු කරගන්නා ලදී.