මීට කිහිප වතාවකදීම “වැලිවලින් කරන ලද නිර්මාණයක්. කුහක නොවී අගයමු” ලෙස සඳහන් කරමීන් සමාජ මධ්‍යයේ හුවමාරු වූ ඡායාරූප කිහිපයක් ම FactSeeker විසින් කරුණු පරීක්ෂාවට ලක් කරන ලදී. නමුත් තව දුරටත් එවැනි කෘතීම බුදධිය යොදා ගනිමින් සිදු කළ නිර්මාණ සත්‍ය නිර්මාණ ලෙස අඟවමින් තව දුරටත් හුවමාරු වන බව FactSeeker හට හදුනා ගැනීමට හැකි විය.

මෙම පළකිරීම්වල අදහස් දැක්වීම් නිරීක්ෂණය කිරීමේදී තහවුරු වන්නේ මේවා සත්‍ය යැයි විශ්වාස කිරීමට පරිශීලකයින් පෙළඹී ඇති බවයි.

නමුත් මෙම ඡායාරූප AI නිර්මාණ පරීක්ෂා කිරීමේ වෙබ් අඩවි හරහා නිරීක්ෂණය කිරීමේදී එය 99%ක් ම කෘතීම බුද්ධි මෙවලම් ඔස්සේ නිර්මාණය කරන ලද බව තහවුරු කර ගැනීමට හැකි විය.

ඒ අනුව වැල්ලේ සිදු කරන ලද නිර්මාණ ලෙස හදුන්වන මෙම ඡායාරූප කෘතීමබුද්ධිය යොදාගනිමින් නිර්මාණය කරන ලද ව්‍යාජ රූප බවට FactSeeker තහවුරු කරයි.