බැලූ බැල්මට මෙය විනෝදාස්වාදය සඳහා පළ කරන ලද්දක් බව පෙනුනද, ඇතැම් පරිශීලකයින් මෙය සත්‍ය සිදුවීමක් බවට විශ්වාස කරන බවක් අදහස් පළකිරීම් නිරීක්ෂණය කිරීමේදී දැකගත හැකි විය.

මේ නිසා මෙම ඡායාරූපයේ සත්‍යාසත්‍යතාවය පිළිබඳව කරුණු පරීක්ෂා කර බැලීමේදී සොයා ගත හැකි වූයේ, මෙම ඡායාරූපය AI නිර්මාණයක් බවය.

ඒ අනුව, FactSeeker ලෝකයේ වයස්ගතම පුද්ගලයින් පිළිබඳ තොරතුරු විශ්ලේෂණයක් කළ අතර CNN වෙබ් අඩවියේ 2025 මැයි මස කළ පළ කිරීමකට අනුව දැනට ලොව ජීවත්ව සිටින වයස්ගතම පුද්ගලයා වන්නේ බ්‍රිතාන්‍ය ජාතික එතෙල් කැටර්හැම් ය. ඇයගේ වයස අවුරුදු 115 යි දින 252 ක් වන බවත් 1913 ට පෙර උපත ලැබූ අවසන් බ්‍රිතාන්‍ය පුද්ගලයා වන බවත් ගිනස් ලෝක වාර්තාවල සඳහන් වේ.

BBC විද්‍යා සගරාව වන “Science Focus” හි දක්වන ආකාරයට 2024 දෙසැම්බර් වන විට ජීවත්ව සිටි වයස්ගතම පුද්ගලයා ජපානයේ ටොමිකෝ ඉටූකා ය. ඇයගේ වයස අවුරුදු 116 ක් වන අතර එය මිනිසෙකුගේ සාමාන්‍ය ආයු අපේක්ෂාවට වඩා බොහෝ සෙයින් වැඩි බව ද එම සඟරාවේ සඳහන් වේ.

වාර්තාගත ඉතිහාසය තුළ ලොව වයස්ගතම පුද්ගලයා ලෙස සැලකෙන්නේ ජීන් ලුයිස් කැල්මන්ට් නම් කාන්තාව වේ. ප්‍රංශ කාන්තාවක් වන ඇය අවුරුදු 122 යි දින 164 ක් ජීවත් වී ඇත. ඇය 1875 පෙබරවාරි 21 වන දින උපත ලැබූ අතර 1997 අගෝස්තු 4 වන දින වයස අවුරුදු 122 දී මිය ගොස් තිබේ.

වැඩිදුර කියවීම සඳහා පහත සබැඳි වෙත පිවිසෙන්න.
🔗 https://www.cnn.com/2025/05/02/americas/worlds-oldest-person-inah-canabarro-lucas-dies-intl-scli
🔗 https://www.sciencefocus.com/the-human-body/oldest-person-in-the-world