ලෝක බැංකුවේ හවුල්කාරීත්වයෙන් ජනපති අනුර කුමාර මුදල් ත්යාග පිරිනමන බව සඳහන් සබැඳි ව්යාජයි!
ලෝක බැංකුව සමග හවුල්කාරීත්වයෙන් ජනාධිපති අනුර කුමාර දිසානායක ශ්රී ලංකාවේ දුප්පත් පුද්ගලයින්ට රුපියල් 10,000ක මුදල් ත්යාගයක් පිරිනමන බව සඳහන් කරමින් වට්ස්ඇප් සමාජ මාධ්ය වේදිකාව හරහා පණිවිඩයක් හුවමාරු වෙයි.
by Anonymous |
ජූනි 5, 2025
මෙය සත්ය දැයි පරීක්ෂා කර දෙන ලෙස FactSeeker ට ලැබුණු ඉල්ලීමකට අනුව අපි ඒ පිළිබඳ කරුණු පරීක්ෂා කළෙමු.
අදාළ මුදල් ත්යාගය ලබා ගැනීම සඳහා පහත සබැඳියට පිවිස එම ප්රශ්නවලට පිළිතුරු සපයන ලෙස මෙම පණිවිඩයේ වැඩිදුරටත් සඳහන් වී තිබුණි. මෙම සබැඳිය ඔස්සේ පිවිසිමේදී එම මුදල් ලැබුණු බවට අදහස් පළ කර තිබූ සියලු දෙනා විදෙස් ජාතිකයින් බවත්, භාවිත කළ සිංහල භාෂාවේ ව්යාකරණ දෝෂ සහ අපැහැදිලි තැන් රැසක් දැකගත හැකි විය.
එම පණිවිඩයේ සඳහන් සබැඳිය සත්ය සබැඳියක්ද? යන්න තහවුරු කර ගැනීම සඳහා URLVoid වෙබ් අඩවිය ඔස්සේ පරීක්ෂාවට ලක් කරන ලදී. එහිදී ලැබූ ප්රතිඵල අනුව තහවුරු වූයේ මෙය වංචනික සබැඳියක් බවයි.
මේ සම්බන්ධයෙන් අපි ජනාධිපති මාධ්ය අංශයෙන් කළ විමසීමකදී ප්රකාශ කළේ, එය ව්යාජ පණිවුඩයක් බවයි. එමෙන්ම මේ සම්බන්ධයෙන් ඔවුන් මෙම පණිවුඩය ව්යාජ බව ජනාධිපති මාධ්ය අංශයේ නිල ෆේස්බුක් පිටුවේ නිවේදනයක් ද නිකුත් කර තිබිණි. එම නිවේදනය මෙතැනින්.
මේ අනුව ජනාධිපති අනුර කුමාර දිසානායක විසින් ශ්රී ලංකාවේ දුප්පත් පුරවැසියන්ට රු.10,000ක ත්යාග මුදලක් ලබා දෙන බවට සඳහන් වට්ස්ඇප් පණිවිඩය ව්යාජ බව සහ එහි අන්තර්ගත සබැඳිය වංචනික සබැඳියක් බව FactSeeker තහවුරු කරයි.
