මෙම වීඩියෝවේ එක් අවස්ථාවක එය කෑගල්ල ප්‍රදේශයෙන් හමු වූ බවත්, තවත් අවස්ථාවක ඇහැලියගොඩ ප්‍රදේශයෙන් හමු වූ බවත් සඳහන් කර තිබුණි. එම වීඩියෝව මෙතැනින්:

මෙවැනි පුවතක් සම්බන්ධයෙන් ශ්‍රී ලංකාවේ ප්‍රධාන ප්‍රවෘත්ති මාධ්‍යයන් ඔස්සේ වාර්ථා වී ඇති දැයි සොයා බැලූ විට එවැනි කිසිඳු තොරතුරක්  FactSeeker ට හමු නොවුණි. මෙම වීඩියෝවේ අදහස් පළකිරීම් හි බොහෝ දෙනා මෙය සත්‍ය බව සලකා විවිධ සමාජ මාධ්‍ය වේදිකාවන්හි බොහෝ වාර ගණනක් හුවමාරු (Share) කර තිබෙන බව  Google Lens හරහා සොයාගත හැකිවූ අතර එම වීඩියෝවේ සත්‍ය අසත්‍යභාවය පිළිබඳ වැඩි දුරටත් කරුණු පරීක්ෂා කරන ලදී.

මෙම වීඩියෝව ගැඹුරින් නිරීක්ෂණය කිරීමේදී, එහි අවට පරිසරය දර්ශනය වන ආකාරයේ සහ පුද්ගලයින්ගේ හැසිරීම්, මුහුණුවල ස්වභාවයන් අපැහැදිලි සහ අස්වාභාවික ස්වරූපයක් දක්නට ලැබුණි.

මෙම වීඩියෝව කෘත්‍රීම බුද්ධිය (AI) උපයෝගී කරගෙන නිර්මාණය කරන ලද්දක් ද යන්න තහවුරු කර ගැනීම සඳහා අපි deepware වෙබ් අඩවිය භාවිත කළෙමු. එහිදී ලැබුණු ප්‍රතිඵල අනුව අදාළ වීඩියෝව  කෘත්‍රීම බුද්ධිය උපයෝගී කරගෙන නිර්මාණය කරන ලද බව තහවුරු කර ගැනීමට හැකි විය.

ඒ අනුව  FactSeeker තහවුරු කරන්නේ විවිධ ප්‍රදේශවලින් සොයා ගත් බව සඳහන් දැවැන්ත කොස් ගෙඩියක් සහිත වීඩියෝව ව්‍යාජ ලෙස කෘත්‍රීම බුද්ධිය යොදාගෙන සකසන ලද වීඩියෝවක් බවයි.