ලතා වල්පොලට හදිසි සැත්කමක් කළා ද?
ශ්‍රී ලාංකේය ගීත කෝකිලාවිය ලතා වල්පොලට හදිසි සැත්කමක් කර ඇති බවට සඳහන් යූ ටියුබ් නාලිකාවක් නිකුත් කර ඇති වීඩියෝවක් factseeker නිරීක්ෂණය කළේ ය.
by Anonymous |
මාර්තු 22, 2024
මෙය ෆේස්බුක් සමාජ මාධ්‍ය ජාලයේ ද හුවමාරු වී තිබිණි.
ලතා වල්පොල මහත්මිය ඉතාම සංකීරණ සැත්කමකට භාජනය වී රෝගාතුරව පසුවන බවත් පාපොච්චාරණයක් ලෙස ලිපියක් දියණියට ලබාදී ඇති බවත් මෙම විඩියෝවේ සඳහන් කර තිබේ.
එම ලිපිය හරහා පවුලේ සහ කලා කෂේත්‍රයේ යම් යම් සිදුවීම්ද සඳහන් කර ඇති බවට මෙම විඩියෝවේ සදහන් කර ඇත.
කෙසේවෙතත් මෙම විඩියෝවට සංස්කරණය කළ ඡායාරූප යොදාගෙන ඇති අතර ලතා වල්පොල මහත්මිය රෝහල් ගතකරන හෝ සැත්කමකට භාජනය කළ ඡායාරූප ඇතුළත් කර නොතිබිණි. එමෙන්ම මීට වසර කිහිපයකට පෙර ඇය පුවත්පතකට කර තිබු ප්‍රකාශයක් පදනම් කර ගනිමින් මෙම විඩියෝව සකස්කර ඇති බවක් පෙනෙන්නට තිබේ.
ඇයට ඉක්මන් සුවය ප්‍රාර්ථනා කරමින් ඇගේ රසික රසිකාවියන් අදහස් දක්වා තිබිණි.
එමෙන්ම ලතා වල්පොල මහත්මියගේ ශරීර සෞඛ්‍ය සම්බන්ධයෙන් ඇගේ පවුලේ සමීපතමයෙක් (මුණුබුරා) වන තිසර බණ්ඩාරගෙන් විමසු විට ඔහු පැවසුයේ “ආච්චි ඉතාමත් සනීපෙන් සතුටින් ගෙදර ඉන්නවා. එයා අසනීපෙන් ඉන්නෙ, තීර්ණාත්මක සැත්කමක් කරා කියලා යන ප්‍රචාරය බොරුවක්.” යනුවෙන් සඳහන් කළේය.
මේ සම්බන්ධයෙන් ඔහු සිය ෆේස්බුක් ගිණුමේ සටහනක් ද තබා තිබිණි.
ඒ අනුව ලතා වල්පොල හදිසි සැත්කමකට ලක්කළ බව කියැවෙන විඩියෝව අසත්‍ය කරුණු සහිත ව්‍යාජ එකක් බව factseeker තහවුරු කරයි.
