“ඔහු අත්අඩංගුවට ගත් අවස්ථාවේ වරද පිළිගන්නා අයුරු” යනුවෙන් සඳහන් කරමින් වීඩියෝවක් සමාජ මාධ්‍යවල සංසරණය වන බව FactSeeker නිරීක්ෂණය කළේය .

එම වීඩියෝව මෙතැනින්

https://www.facebook.com/share/r/16NbEaDkap/

https://www.instagram.com/reel/DHLi15Zi5KE/?utm_source=ig_web_button_share_sheet

මෙම වීඩියෝවට අනුව වෑන් රථයේ සිටින කෞෂාන් ගුණරත්නට පොලිස් නිලධාරියෙක් යම්කිසි දෙයක් පවසන අතර  ඔහු එයට ප්‍රතිචාර දක්වන බව පෙනෙයි. මේ සම්බන්ධයෙන් බොහෝ පරිශීලකයින් දක්වා තිබූ අදහස් විමර්ශනය කිරීමේදී ඔවුන් එය සත්‍ය යැයි පිළිගෙන තිබූ බව පෙනෙන්නට තිබුණි.

නමුත් මෙම වීඩියෝව factseeker විමර්ෂණය කර බැලීමේදී එහි පුද්ගල අංග චලන අනුව එය AI තාක්ෂණයෙන් නිර්මාණය කර ඇති බව පැහැඳිලි විය.

එමෙන්ම එය යම් ඡායාරූපයක් වීඩියෝවක් බවට පත් කිරීමෙන් සකස් කර ඇති බව පෙනෙන්නට තිබූ නිසා factseeker එම ඡායාරූපය සොයා බැලීය. එහිදී මෙම වීඩියෝව නිර්මාණය කළ ඡායාරූපය සොයාගත හැකිවිය.

ඡායාරූපයක් වීඩියෝ දර්ශනයක් දක්වා වැඩි දියුණු කිරීමට ඇති කෘත්‍රීම බුද්ධි පහසුකම්  සමාජ මාධ්‍ය හරහා ම ලබා දී තිබෙන අතර ඊට නිදසුනක් ලෙස Xහි එය Grook නමින් හඳුන්වනු ලැබේ.  මීට අමතරව ඡායාරූපයක් යොදාගනිමින් එය වීඩියෝවක් බවට පරිවර්තනය කළ හැකි ආකාරයේ  Deep Nostalagia AI, Fliki, Animaker වැනි කෘත්‍රීම බුද්ධි මෙවලම් ද මේ වන විට ප්‍රචලිත ව පවතී. මෙම වීඩියෝව එවැනි ආකාරයේ  කෘත්‍රීම බුද්ධි මෙවලම් උපයෝගී කරගනිමින් නිර්මාණය කරන ලද්දක් බවට හඳුනා ගත හැක්කේ එහි පුද්ගල අංග චලන අසාමාන්‍ය ලෙස නිරූපණය වන බව නිරීක්ෂණය කිරීමෙනි.

ඒ අනුව මෙය AI මෙවලම් භාවිත කර ඡායාරූපයකින් වීඩියෝවක්  නිර්මාණය කර ඇති බව Factseeker තහවුරු කරයි.