“සීගිරිය දැන් රෑටත් බලන්න යන්න පුළුවන්.”, “දැන්නම් සීගිරිය පිස්සුවක් වේවි.රෑට උඩට නැගලා තරු බලන්න පුළුවන් වේවි” ආදී වශයෙන් පෝස්ටු මෙසේ හුවමාරු වෙමින් පවතී.මේ අතර රාත්‍රියට සීගිරිය දිස්වන ආකාරය ලෙස සඳහන් කරමින් විදුලි පහන් දැල් වූ සීගිරියේ අනුරුවක් ද මෙලෙස හුවමාරු වෙමින් පැවැතිණි.

මෙම සටහන් සීග්‍රයෙන් සංසරණය වීම නිසා රාත්‍රී කාලයේදී සීගිරිය නැරඹීමට සංචාරකයින්ට අවසර දීමට තීරණය කර නැති බව සඳහන් කරමින් බුද්ධශාසන, ආගමික සහ සංස්කෘතික කටයුතු අමාත්‍යංශය මාධ්‍ය නිවේදනයක් නිකුත් කර තිබේ.

මේ පිළිබඳව සීගිරිය රජමහා විහාරස්ථානයෙන් ද Factseeker කළ විමසීමකදී රාත්‍රී කාලයේ සීගිරිය දිස්වන ආකාරය යැයි දැක්වෙන ඡායාරූප ද අසත්‍ය බවට සදහන් කළේ ය. එමෙන්ම සුපුරුදු පරිදි දිනපතා පෙරවරු 4.00 සිට පස්වරු 5.00 දක්වා කාලයේ පමණක් දෙස් විදෙස් සංචාරකයින්ට සීගිරිය නැරඹිය හැකි බව ද එහිදී ප්‍රකාශ කළේ ය.

මේ අනුව සීගිරිය රාත්‍රී කාලයේදී දිස්වන ආකාරය ලෙස නිරූපණය කරන ඡායාරූප සහ රාත්‍රී කාලයේදී සීගිරිය නැරඹීමට අවස්ථාව දී තිබෙන බව සඳහන් සියළු සමාජ මාධ්‍ය සටහන් අසත්‍ය බව FactSeeker තහවුරු කරයි.