මෙය වත්මන් ජනාධිපති රනිල් වික්‍රමසිංහ හා හිටපු ජනාධිපති මෛත්‍රීපාල සිරිසේන බව හුවා දක්වමින් සමාජ මාධ්‍ය තුළ හුවමාරු වන බව factseeker නිරීක්ෂණය කළේ ය.මේ පෝස්ටුවට බොහෝ දෙනෙකු සිය අදහස් ද ප්‍රකාශ කර තිබිණි.

2014 වසරේ දෙසැම්බර් මාසයේදී තලවකැලේ දුම්රිය ස්ථානය අසල ජංගම දුරකතනයකින් අසභ්‍ය දර්ශන ඇතුළත් වීඩියෝවක් නරඹමින් සිටි රත්නවීර පටබැදිගේ රනිල් වික්‍රමසිංහ නැමැති තරුණයෙකු පොලිස් අත්අඩංගුවට පත් වී ඇත. ඔහුට පොලිස් ඇප දීමට පැමිණ ඇත්තේ ආර්.පී.මෛත්‍රීපාල නැමැති එම තරුණයාගේ පියා ය.

මෙම ප්‍රවෘත්තිය ප්‍රධාන ධාරාවේ මාධ්‍යවල පළ කර තිබුණේ  “රනිල් වික්‍රමසිංහ ‘බ්ලූ’ බලා මාට්ටු, ඇප දෙන්න මෛත්‍රිපාල තලවකැලේ පොලිසියට එයි” යන ශීර්ෂ පාඨය යටතේය.

පුවත්පතක පළ කළ එම ප්‍රවෘත්තිය ඉකුත් ජුනි 01 වෙනි දින ද සමාජ මාධ්‍ය හරහා නැවත හුවමාරු වෙමින් පැවැතිණි.

ඒ අනුව මෙම ප්‍රවෘත්තිය මෑතකදී පළ වූ පුවතක් නොව2014 වසරේ පළවු පුවතක් බව factseeker තහවුරු කරයි.

මේ සම්බන්ධයෙන් 2014 පළවූ මුලාශ්‍ර පහත සදහන් වෙයි.