“රනිල් ජනාධිපති වුනාම මමයි අගමැති. රවී කරුණානායක කියයි” යනුවෙන් එම පෝසටුවල සඳහන්ව තිබූ අතර ඒවා මෙරට ජාතික පුවත්පතක මුල් පිටු සිරස්තලයක් උපුටා දක්වන අයුරින් පළකර තිබුණි.

මේ පිළිබඳව Factseeker කළ සොයා බැලීමේදී එවැනි සිරස්තලයක් මෑතකාලීනව ජාතික පුවත්පතක පළ වී නොමැති බව අපට තහවුරු විය.

මේ සම්බන්ධයෙන් රවී කරුණානායකගෙන් Factseeker කළ විමසීමකදී ඔහු ප්‍රකාශ කළේ, මෙම සමාජ මාධ්‍ය සටහන්වල කිසිදු සත්‍යතාවක් නොමැති බවයි. එමෙන්ම මෙම ප්‍රචාරයන් කළ පාර්ශවවලට එරෙහිව නීතිමය පියවර ගැනීමට බලාපොරොත්තුවන බව ද රවි කරුණානායක වැඩිදුරටත් ප්‍රකාශ කළේ ය.
ඒ අනුව රවී කරුණානායක කළ ප්‍රකාශයක් බවට හඟවමින් සංසරණය වන ඉහත සමාජ මාධ්‍ය සටහන් අසත්‍ය බව FactSeeker තහවුරු කරයි