“සුර්යපැනල නොමිලේ – සුර්යපැනල ප්‍රතිපත්තිය 2024 ලැයිස්තුව බලන්න” ලෙස සඳහන් කරමින් සමාජ මාධ්‍ය හරහා හුවමාරු වන අතර මෙහි සත්‍ය අසත්‍යතාව සොයාබැලීමට factseeker කටයුතු කළේය.

මේ සම්බන්ධයෙන් පෝස්ටු පළකර ඇති සමාජ මාධ්‍ය ගිණුම් කිසිවක් රජයට සම්බන්ධ බවට නිල තහවුරු කිරීමක් කර ඇත්දැයි factseeker පළමුවෙන්ම සොයා බැලු අතර එම සමාජ මාධ්‍ය පිටු සහ වෙඩ් අවඩි රජයට සම්බන්ධ වෙඩ් අඩවි නොවන බව තහවුරු විය.

සුර්ය පැනල නොමිලේ ලබාදෙන බවට පුවතක් ප්‍රධාන මාධ්‍ය තුළ පළවී ඇත්දැයි පරීක්ෂා කළ අතර එවැනි පුවතක් වාර්තා කර නොමැති බව ද factseeker ට නීරක්ෂණය විය.

මේ සම්බන්ධයෙන් කැබිනට් තීරණයක් ගෙන තිබේදැයි factseeker සොයා බැලු අතර මීට වසර කිහිපයට පෙර පැවති යහපාලන ආණ්ඩු සමයේ ආසියානු සංවර්ධන බැංකුව යටතේ සුර්ය පැනල සඳහා ණය ලබාදීමේ වැඩසටහනක් ක්‍රියාත්මක කිරීමට සැලසුම් කර තිබු බව එහිදි අනාවරණය විය. එමෙන්ම ඉන්දීය රජයේ මුදල් ප්‍රධාන මත ආගමික ස්ථානවලට නොමිලේ සුර්ය පැනල බෙදාදීමට වත්මන් රජය තීරණයක් ගෙන ඇති බවද එහිදී අනාවරණය විය.

මේ සම්බන්ධයෙන් වැඩිදුරටත් විදුලිබල හා බලශක්ති අමාත්‍යාංශයෙන් මෙන්ම ඒ යටතේ පවතින සුනිත්‍ය බලශක්ති අධිකාරියෙන් ද factseeker විමසු අතර එම ආයතන දෙකම සඳහන් කළේ ජනතාවට නොමිලේ සුර්ය පැනල ලබාදීමේ වැඩසටහනක් ක්‍රියාත්මක නොවන බවය.

ඒ අනුව “සුර්ය පැනල නොමිලේ – සුර්යපැනල ප්‍රතිපත්තිය 2024 ලැයිස්තුව බලන්න” ලෙස සඳහන් කරමින් හුවමාරු වන පෝස්ට් අසත්‍ය බව factseeker තහවුරු කරයි.