විශ්ව විද්‍යාල සිසුන් සහ සිසුවියන් කිහිපදෙනෙකු දමිල ගීතයක් ගායනා කරන ආකාරය දැක්වෙන මෙ‌ම විඩියෝවක Jaffna Campus ලෙස සටහන් කරමින් හුවමාරු කර ගෙන තිබිණි. මෙය සැබැවින්ම යාපනයේ විශ්ව විද්‍යාලයේ පැවැත්වු උත්සවයක අවස්ථාවක් දැයි සොයාබලන ලෙස factseekr වෙත ඉල්ලීමක් ඉදිරිපත් වී තිබිණි. එබැවින් ඒ පිළිබඳව සොයාබැලීමට factseekr කටයුතු කළේය.

මෙම විඩියෝවේ පසුබිම දෙස විමසිලිමත්ව බැලුවිට එය යාපනයයේ විශ්වවිද්‍යාලයේ ගොඩනැගිලිවලට සමානතාවක් නොදක්වන අතර එහි ඇති ලාංඡනය පිළිබඳ අවධානය යොමුකළ විට එය මාළබේ SLIIT ආයතනයේ ලාංජනයට සමාන බවක් පෙනෙන්නට තිබේ.

යාපනය විශ්ව විද්‍යාලයේ තෛපොංගල් සැමරීමේදී මෙවැනි ආකාරයේ සිදුවීමක් වුයේ දැයි factseekr යාපනය විශ්ව විද්‍යාලයේ  ශිෂ්‍ය ක්‍රියාකාරීන්ගෙන් විමසු විට ඔවුන් පැවසුවේ, එවැන්නක් සිදු නොවු බවය.

පසුව මාළබේ SLIIT ආයතනයෙන් මේ පිළිබඳ විමසීමේදී ඔවුන් පැවසුවේ, තම විශ්ව විද්‍යාලයේ සිසු සිසුවියන් තෛපොංගල් උත්සවයේදී දමිල ජාතික ආරයට සැරසී පැමිණ දමිල ගී ගායනා කළ බවත් සමාජ මාධ්‍යයේ හුවමාරු වන්නේ එහි කොටසක් දැක්වෙන විඩියෝවක් බව ත් ඔවුන් පැහැදිලි කළේය.

එම වීඩියෝව මෙතැනින් – https://www.facebook.com/media/set/?vanity=sliit.fcmu&set=a.748337687340147

ඒ අනුව මෙය යාපනය විශ්ව විද්‍යාලයේ විඩියෝවක් නොවන බවත් මාළබේ SLIIT විශ්ව විද්‍යාලයේ දී ගත් ඡායාරූපයක් බවත්   factseekr තහවුරු කරයි.