නාමයෝජනා බාර දීමෙන් පසු මොහු මිය යාම නිසා ඔහුගේ නම ඡන්ද පත්‍රිකාවෙන් ඉවත් කරන්නේ ද? යන්න පිළිබඳ කිතිකාවක් සමාජයේ නිර්මාණය වෙමින් පැවැතිණි. එම නිසා News 1st දමිළ වෙබ් අඩවියෙහි පළ කළ ප්‍රවෘත්තියෙහි සත්‍ය අසත්‍යතාවය පිළිබඳ Factseeker සොයා බැලීය.

ඒ අනුව Factseeker  ශ්‍රී ලංකා මැතිවරණ කොමිසම විසින් නිකුත් කර තිබූ නිල නිවේදනයන් පරික්ෂා කළේය. මැතිවරණ කොමිසමෙහි සභාපති ආර්.එම්.ඒ.එල්. රත්නායකගේ  අත්සනින් යුතුව පසුගිය 17 වන දින සිංහල,දමිළ සහ ඉංග්‍රීසි භාෂාවලින්  මේ සම්බන්ධයෙන්  මාධ්‍ය නිවේදන නිකුත් කර තිබුණි.

එහි සිංහල හා දමිළ මාධ්‍යයෙන් නිකුත් කර තිබූ නිවේදනවල සඳහන් වූයේ,  ඡන්ද පත්‍රිකාවේ අයිඩෘස් මොහොමදු ඉල්යාස් ගේ නම ඇතුළත් වුවද එය ඉවත් වූවා සේ සලකන බව සහ ඒ අනුව ඔහුට ඡන්දය ප්‍රකාශ කළහොත් එය අවලංගු ඡන්දයක් ලෙස සලකන බවයි.

නමුත් එහි ඉංග්‍රීසි මාධ්‍යයෙන් නිකුත් කර තිබූ  නිවේදනයේ සඳහන් වන්නේ ඉවත් කිරීමට අදහස් කරගෙන සිටින බවයි. ඒ අනුව News 1st  ප්‍රවෘත්තිය සඳහා පාදක කරගෙන ඇත්තේ අදාල නිවේදනය බව Factseeker නිරීක්ෂණය කරගන්නා ලදී.

මේ සම්බන්ධයෙන් ආර්.එම්.ඒ.එල්. රත්නායක මහතාගෙන් විමසිමේදී ඔහු සඳහන් කළේ ඡන්ද පත්‍රිකා මුද්‍රණය කරන ලද්දේ අයිඩෘස් මොහොමදු ඉල්යාස් මරණයට පත්වීමට පෙර වීම නිසා ඔහුගේ නම ඡන්ද පත්‍රිකාවේ ඇතුළත් වන බවයි. එසේ වුව ද යම් ලෙසකින් ඔහුට ඡන්දය ප්‍රකාශ කර තිබුණහොත් එම ඡන්දය අවලංගු ඡන්දයක් වන බව ද ඔහු වැඩිදුරටත් සඳහන් කළේ ය.

එසේම මේ සම්බන්ධයෙන් ඔවුන් අතින් සිදු ව තිබූ අත්වැරදීම ඒ මහතා පිළිගනු ලැබූ අතර හැකි ඉක්මනින් එය නිවැරදි කරන බවද  සඳහන් කළේය.

අයිඩෘස් මොහොමදු ඉල්යාස් සම්බන්ධව පැවති මෙම ගැටලුව සම්බන්ධයෙන් Factseeker මීට පෙර කරුණු සොයාබලා නිරවුල් පැහැදිලි කිරීමක් කරනු ලැබීය.

එම සබැඳිය මෙතැනින් – https://shorturl.at/9QsUX