මැතිවරණයට පෙර ඡන්ද පත්‍රිකා ප්‍රදර්ශනය කිරීම වරදක්
මෙවර මහ මැතිවරණයට අදාළ බව සඳහන් කරමින් ඡන්ද පත්‍රිකාවක ඡායාරූපයක් සමාජ මාධ්‍ය තුළ වැඩි වශයෙන් හුවමාරු වෙමින් පවතී. මෙය එක් එක් දේශපාලන පක්ෂවල නම් සඳහන් කරමින් ඔවුන්ට ඡන්දය ප්‍රකාශ කරන ලෙස දක්වමින් එය හුවමාරු වෙමින් පවතින බව Factseeker නිරීක්ෂණය කළේ ය.
by Anonymous |
නොවැම්බර් 12, 2024
මෙලෙස ඡන්ද පත්‍රිකා ප්‍රචාරණය කිරීම නීත්‍යනූකූල දැයි Factseeker විමසා බැලීය.
ඒ අනුව ඡන්දයේ රහස්‍යභාවය ආරක්ෂා කිරීම සඳහා ඡන්ද පත්‍රිකාව ප්‍රසිද්ධ කිරීම නොකළ යුතු බවත් එසේ කිරීම මැතිවරණ වරදක් බවටත් 1981 අංක 01 දරණ පාර්ලිමේන්තු මැතිවරණ (සංශෝධන ) පනතේ දක්වා තිබේ.
හුවමාරු වන මෙම ඡන්ද පත්‍රිකාව මෙවර පාර්ලිමේන්තු මැතිවරණයේ ඡන්ද පත්‍රිකාවක් ද යන්න පිළිබඳව Factseeker මැතිවරණ කොමිෂන් සභාවේ සභාපති ආර්.එම්.එල්. රත්නායක මහතාගෙන් කළ විමසීමක් කළේ ය. ඔහු පැවසුයේ එය මෙවර පාර්ලිමේන්තු මැතිවරණයේ ඡන්ද පත්‍රිකාවක් බව යි.
තැපැල් ඡන්දය අවසන් විමෙන් පසුව මෙලෙස තැපැල් ඡන්ද පත්‍රිකාවක ඡායාරූපයක් සමාජ මාධ්‍ය ඔස්සේ මුදා හැර ඇති බවට පැමිණිලි ලැබී ඇති බවත් එය සම්පුර්ණයෙන්ම නීති විරෝධී ක්‍රියාවක් බවත්ය.
ඡන්ද පත්‍රිකාවක ඡායාරූපයක් ගැනීම හෝ එය ප්‍රදර්ශනය කිරීම මැතිවරණ පනත යටතේ දඩුවම් ලැබිය හැකි වරදක් වන අතර ඒ අනුව අදාළ ඡායාරූපය සමාජ මාධ්‍ය වෙත යොමුකළ පාර්ශව සහ ඒවා හුමවාරු කරන පාර්ශව සම්බන්ධයෙන් අවශ්‍ය නීතිමය ක්‍රියාමාර්ග ගැනීමට බලාපොරොත්තු වන බව ද සභාපතිවරයා වැඩිදුරටත් සඳහන් කෙළ්ය.
