පිල්ලෙයාන් සහ මන්ත්‍රී සතාසිවම් අතර වූ ගැටුමක් ද?
ටී.එම්.වී.පී පක්ෂයේ නායක ශිවනේශන්තුරෙයි හෙවත් පිල්ලෙයාන් චන්ද්‍රකාන්තන් සහ හිටපු පාර්ලිමේන්තු මන්ත්‍රී සතාසිවම් විජේන්ද්‍රන් අතර ගැටුමක් වන ආකාරයේ වීඩියෝවක් සමාජ මාධ්‍ය ඔස්සේ හුවමාරු වන අයුරු FactSeeker නිරීක්ෂණය කළේ ය.
by Anonymous |
මාර්තු 18, 2025
සමාජ මාධ්‍ය පරිශීලකයින් අතර ආන්දෝලනයට තුඩු දී ඇති මෙම වීඩියෝවේ ඇතැම් අවස්ථා සමීපව නිරීක්ෂණය කිරීමේදී එය කෘත්‍රිම බුද්ධිය (AI) භාවිතයෙන් නිර්මාණය කර ඇති බව හඳුනා ගැනීමට හැකිවිය.
හුවමාරු වන වීඩියෝව – https://www.facebook.com/share/r/1ETXL5Mf8s/
එමෙන්ම මෙම වීඩියෝව පිළිබඳව වැඩිදුර සොයා බැලීමේදී එය මාර්තු 15 වැනිදා මඩකලපුවේදී පැවැති නැගෙනහිර දෙමළ සම්මේලනය අත්සන් කිරීමේ උත්සවයේදී ගත් ඡායාරූපයක් උපයෝගී කරගනිමින් සකසන ලද්දක් බවට තහවුරු කරගැනීමට හැකි විය.
එබැවින් සමාජ මාධ්‍යවල හුවමාරු වන මෙම වීඩියෝව කෘත්‍රීම බුද්ධිය භාවිතයෙන් සිදුවීම විකෘති කර සකසන ලද වීඩියෝවක් බව FactSeeker තහවුරු කරයි.
එමෙන්හ එවැනි AI වීඩියෝ පළ කිරීමෙන් සහ බෙදා හැරීමෙන් වළකින ලෙස FactSeeker පරිශීලකයිගෙන් ඉල්ලා සිටී.
