එය ශ්‍රී ලංකාවේ දේවාලයක වූ සිද්ධියක් ලෙස බොහෝ දෙනා දක්වමින් බොහෝ දෙනෙකු විසින් හුමවාරු කර ගෙන තිබේ.

මෙය ෆේස්බුක් , ඉන්ස්ටග්‍රෑම් , ටික්ටොක් මෙන්ම x සමාජ මාධ්‍ය ජාලය ඔස්සේද හුවමාරු වී තිබිණි.

“ දෙයියොත් කොර ඒ පොල් ගහන ගැහිල්ලට” ලෙස සඳහන්ව තිබෙන මෙම විඩියෝව සැබැවින්ම ශ්‍රී ලංකාවේ සිදුවුවක් ද යන්න පිළිබඳව factseeker සොයාබැලීය.

මෙය පළකර ඇති පුද්ගලයින් මේ සම්බන්ධයෙන් කිසිදු විස්තරයක් සදහන් කර නැත.

මෙම විඩියෝව සම්බන්ධයෙන් factseeker තවදුරටත් සොයා බැලීමේදී එය ඉන්දියාවේ කේරල ප්‍රාන්තයේ සිදුවුවක් බව අනාවරණය විය.

ඉන්දියාවේ අදහන දෙවියකු වන වෙට්ටක්කෝරුමක් දෙවියන් (Lord Vettakkorumakan) උදෙසා කරන ලද පුජාවක විඩියෝවක් බව ඒ අනුව තහවුරු විය.

වෙට්ටක්කෝරුමකන් පත්තුව (Vettakkorumakan Pattu) යනු වෙට්ටක්කෝරුමකන් දෙවියන් සතුටු කිරීම සඳහා සිදුකරන විශේෂ චාරිත්‍රයකි. පන්තීරයිරම් තේංගයේරු (පොල් ගෙඩි 12000ක් අඛණ්ඩව රිද්මයානුකූලව කැඩීම) යනු වෙට්ටක්කරන් පත්තුව වෙනුවෙන් සිදුකරනු ලබන සුවිශේෂී උත්සවයකි.

මෙම චාරිත්‍රයේදී පොල් ගෙඩි 12000ක් පමණ සහෘදයෙකු විසින් එකින් එක කඩා “චෙන්දා මේලම්” (-දෙවි දේවතාවුන් ආයාචනා කිරීම සඳහා වන සම්ප්‍රදායික වාදනය) තාලයට සහ පහරවල් වලට අනුව කඩා දමනු ලැබේ.

ඒ අනුව මෙය ශ්‍රී ලංකාවේ සිදුවුවක් නොවන බව factseeker තහවුරු කරයි.