“DIALOG වසර අවසාන දීමනාව ලෙස සියලුම පැරණි සිම් කාඩ්පත් සඳහා නොමිලේ දත්ත පිරිනමයි.

6 මාස පැරණි SIM – 10GB

1 වසර සහ ඊට වැඩි – 20GB

5G SIM කාඩ්පත් භාවිතා කරන්නන් – 300GB” යනුවෙන් එම පණිවිඩයේ සදහන් වී තිබිණි.

මෙම එක් එක් දීමනාව ලබා ගැනීම සඳහා පෞද්ගලික දත්ත ඇතුළත් කිරීමට සබැඳි (ලින්ක්) කිහිපයක් යොමුකර තිබේ. එම සබැඳි හරහා පිවිසීමේදී එම වෙබ් පිටුවේ ඇතුළත් ඡායාරූප අඩු  ගුණාත්මකබාවයකින් යුතු වූ අතර එහි පුද්ගලයින්ගේ සංවේදී දත්ත ඉල්ලා ඇත.

විශේෂයෙන් ම tinyurl.com භාවිතයෙන් සම්පූර්ණ සබැඳිය සඟවා කෙටි සබැඳියක් භාවිත කර තිබීමත් නිරීක්ෂණය කිරීමට හැකි විය. tinyurl.com හරහා දිගු සබැඳි කෙටි සබැඳි බවට පත් කිරීමට හැකිය. මෙවැනි වංචනිකයින් දත්ත සොරකම් කිරීමේදී එය උපක්‍රමිකව යොදා ගනී. ඒ අනුව මේවා වංචනික ලින්ක් (Scammed Link)බව FactSeeker ට හඳුනාගත හැකි විය.

නමුත් මේ පිළිබඳව වැඩිදුර කරුණු තහවුරු කර ගැනීම සඳහා ඩයලොග් ආසායාටා පුද්ගලික සමාගමෙන් FactSeeker කළ විමසීමකදී ඔවුන් ප්‍රකාශ කළේ , එවැනි දීමනාවක් සිය සමාගම විසින් නිකුත් කර නැති බවයි.

ඒ අනුව  “ඩයලොග් සිම් කාඩ් පත නොමිලේ වසර අවසාන දත්ත පිරිනැමීම” යනුවෙන් සඳහන් වෙමින් වට්ස්ඇප් සමාජ මාධ්‍ය හරහා හුවමාරු වන අසත්‍ය බව  FactSeeker තහවුරු කරයි.