එහි ජනාධිපති අපේක්ෂක අනුර කුමාර දිසානායක ඉදිරි ජනාධිපතිවරණය ජයග්‍රහණය කිරීමෙන් පසුව මෙම කැබිනට් මණ්ඩලය පිහිටුවීමට පොරොන්දු වී ඇති බව එහි සඳහන් කර තිබේ.

මේ වනවිට පාර්ලිමේන්තුව නියෝජනය නොකරන පුද්ගලයින් ද ඡායාරුප සමග මෙම පොස්ටුවට ඇතුළක් කර ඇති අතර මේ පිළිබඳ සොයාබැලීමට factseeker කටයුතු කළේය.

මේ පිළිබඳ වන තීරණයක් ගෙන ඇති ද? යන්න සම්බන්ධයෙන් සොයා බැලීමේදී ජාතික ජන බලවේගයේ නිල සමාජ මාධ්‍ය ගිණුම් පරීක්ෂා කළ අතර එහි එවැනි පළ කිරීමක් කර නොතිබිණි.

ජාතික ජන බලවේගය නියෝජනය කරන ජනතා විමුක්ති පෙරෙමුණේ ක්‍රියාකාරී සාමාජිකයින් වන වසන්ත සමරසිංහ සහ බිමල් රත්නායකගෙන් මේ සම්බන්ධයෙන් කළ විමසීමකදී ඔවුන් සඳහන් කළේ, එවැනි කිසිදු තීරණයක් මෙතෙක් ගෙන නොමැති බවයි.

මේවනවිට පැවැත්වෙන්නේ ජනාධිපතිවරණයක් බැවින් ජාතික ජන බලවේගයේ ජනාධිපති අපේක්ෂකයා ජනාධිපති බවට පත්කිරීමට පමණක් මේ වනවිට කටයුතු කරන බවද හෙතෙම පැවැසීය.

එමෙන්ම මේ පිළිබද ජාතික මාධ්‍ය වාර්තා කර ඇත්දරයි සොයා බැලු අතර එවැනි වාර්තා කිරීමක් ද හමු නොවීය. ඒ අනුව ජාතික ජන බලවේගයේ යෝජිත කැබිනට් මණ්ඩලය නමින් හුවමාරු වන ඡායාරූපය අසත්‍ය බව  factseeker තහවුරු කරයි