මෙය සත්‍ය ද? යන්න සොයා බලන ලෙස factseeker වෙත ලැබුණු ඉල්ලීමකට අනුව  මෙහි සත්‍ය අසත්‍යතාවය පිළිබද සොයා බැලුවෙමු.

ජනතා විමුක්ති පෙරමුණේ ‘රතු තරුව’ වැඩසටහන මගින් අඩු ආදායම්ලාභී පවුල් සදහා වියළි ආහාර ද්‍රව්‍ය ලබාදීම සදහා 2020 වසරේදී ක්‍රියාත්මක කළ ව්‍යපෘතියකදී ගත් ඡායාරූපයකි. මෙම ඡායාරූපය නිකවැරටිය රස්නායකපුර දී එම වැඩසටහනේදී ගත් ඡායාරූපයක් බව අනාවරණය විය.

මේ සම්බන්ධයෙන් ඒ දිනවල ජනතා විමුක්ති පෙරමුණේ නිල සමාජ මාධ්‍ය පිටුවල ද පළකර ඇත.

මේ වසරේ (2024) කාන්තා දිනයට සමගාමීව ජනතා විමුක්ති පෙරමුණේ හෝ ජාතික ජනබලවේගය විසින් සහල් සහ වියළි සලාක ලබා දුන්නේදැයි ජාතික ජන බලවේගයේ මාධ්‍ය ඒකකයෙන් කළ විමසීමේදි ඔවුන් සඳහන් කළේ එවැනි බඩු බෙදාදීමක් සිදුනොකළ බවයි.

ඒ අනුව මෙම ඡායාරූපය මේ වසරේ දී සිදු වුවක් බව සඳහන් කරමින් සමාජ මාධ්‍ය හරහා  හුවමාරු වන පෝස්ටුව 2020 වසරේදී ගත් ඡායාරූපයක් බව factseeker තහවුරු කරයි.