ගෝඨාභයගේ කෘතිය ටිල්වින් සිල්වා අතැතිව සිටින ඡායාරූපය සත්‍ය ද?
හිටපු ජනාධිපති ගෝඨාභය රාජපක්ෂ විසින් රචනා කර ඇති “ජනාධිපති ධූරයෙන් මා නෙරපීමේ කුමන්ත්‍රණය” ග්‍රන්ථය පදනම් කර ගනිමින් මේ වන විට සමාජ මාධ්‍යවල විවිධ පෝස්ට් සීග්‍රයෙන් හුවමාරු වෙමින් පවතින බව factseeker නිරීක්ෂණය කළේ ය.
by Anonymous |
මාර්තු 10, 2024
මෙම කෘතිය තමා ද ලබා ගත් බව සදහන් කරමින් ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා ‘මාත් ගත්තා යාළුවනේ’ යනුවෙන් සදහන් කරමින් එම පොතක් අතැතිව සිටින අයුරු දැක්වෙන ජායාරූපයක් ද සමාජ මාධ්‍ය තුළ හුවමාරු වෙමින් පවතී.
මෙම ජායාරූපය සැබෑ ජායාරූපයක් ලෙස සලකමින් සමාජ මාධ්‍යයේ දැඩිලෙස හුවමාරු වන බැවින් එය සත්‍ය ජායාරූපයක් දැයි factseeker විසින් සියා බැලූ අතර Search any image with Google Lens හරහා සහ metadata පරීක්ෂාකර බැලීමේ දී එම ඡායාරූපය සංස්කරණය කර ඇති බව අනාවරණය විය.
එමෙන්ම මේ පිළිබඳව ජාතික ජකබලවේගයේ මාධ්‍ය අංශයෙන් කළ විමසීමකදී ඔවුන් සදහන් කළේ, මෙලෙස හුවමාරු වන පෝස්ට් අසත්‍ය බව ය. මේ අතර factseeker ටිල්වින් සිල්වාගෙන් විමසීමේදී ඔහු ද ප්‍රකාශ කළේ , මෙය සංස්කරණය කරන ලද ඡායාරූපයක් බවයි.
ඒ අනුව හිටපු ජනාධිපති ගෝඨාභය රාජපක්ෂ විසින් රචනා කර ඇති “ජනාධිපති ධූරයෙන් මා නෙරපීමේ කුමන්ත්‍රණය” ග්‍රන්ථය ටිල්වින් සිල්වා අතැතිව සිටින ඡායාරූපය ඇතුළත් පෝස්ටුව සංස්කරණය කරන ලද බව factseeker තහවුරු කරයි.
