https://www.facebook.com/share/p/18Z2vVN7xM/

Bandaranaike International Airport යනුවෙන් ඇති ෆේස්බුක් පිටුවක් හරහා මෙය සමාජගත කර ඇත.

එහි සඳහන් වන්නේ සෑම වසරකම ගබඩාවේ අමතක වූ හෝ නැතිවූ ගමන් මලු ඉතා සුළු මුදලකට ලබා දෙන බවයි. ඒ අනුව මෙම පුවතේ සත්‍ය අසත්‍යතාවය සම්බන්ධයෙන් FactSeeker අවධානය යොමු කළේය.

මේ පිළිබඳ ගුවන් තොටුපළෙන් කළ විමසීමේදී ගුවන් තොටුපළ කාර්‍යභාර නිලධාරි අංශය සඳහන් කළේ,  ගමන් මලු හා සම්බන්ධ එවැනි කිසිදු නිවේදනයක් ගුවන් තොටුපළින් නිකුත් කර නොමැති බවයි.

මෙම පෝස්ටුවේ පවතින ඡායාරූපය පිළිබඳ සොයා බැලීමේදී මෙහි සංස්කරණය නොකළ ඡායාරූපයක් හමුවූ අතර එය සංචාරකයන් සඳහා පළවුණු  ලිපියක ඇතුළත් විය.

https://johnnyjet.com/another-smart-reason-to-take-a-photo-of-your-checked-luggage/

ආදාළ ඡායාරූපය ගෙන විවිධ අයුරින් සංස්කරණය කොට ව්‍යාජ ලෙසින් සකසා  සමාජ මාධ්‍ය වෙත මුදහැර ඇති බව google Lens හරහා කළ සොයා බැලීමේදී අනාවරණය විය.

ඒ අනුව මෙම ඡායාරූපය සංස්කරණය කර අදාළ දැන්වීම සඳහා යොදා ගෙන ඇති බව පැහැදිලි වෙයි.

එසේම මේ හා සම්බන්ධව මීට පෙර අවස්ථාවලදී  වෙබ් පිටු හරහා කළ වාර්තා කිරීම් ද හමුවිය .

https://gagana.lk/article/about-fake-fb-page-selling-lost-luggage-in-airport-1729399740

බණ්ඩාරනායක ජාත්‍යන්තර ගුවන්තොටුපලේ නිල ෆේස්බුක් පිටුවේ මේ පිළිබඳ නිවේදනයක් ද  නිකුත් කර තිබුණි.

එම නිවේදනය මෙතැනින් –

https://www.facebook.com/share/p/12DjJQDpHdv/

ඒ අනුව ගුවන්තොටුපළ තුළ දමා ගිය ගමන් මලු සහන මිලට ලබා දෙන බව දක්වමින් සමාජ මාධ්‍ය තුළ පළවන පෝස්ටු හා එම ඡායාරූප අසත්‍ය බව FactSeeker  තහවුරු කරයි.