සමාජය නොමඟ යවන මෙවැනි ආකාරයේ නිර්මාණ පිළිබඳව FactSeeker අවස්ථා කිහිපයකදීම  තොරතුරු අනාවරණය කළේ ය.

නමුත් විශාල ගසක් ඇඟ මතට කඩා වැටුණු අලියෙකු බේරාගන්නා ආකාරය දැක්වෙන වීඩියෝවක් ෆේස්බුක් සමාජ මාධ්‍යයේ විශාල ලෙස හුවමාරු වන ආකාරය FactSeeker නිරීක්ෂණය කළේ ය.

මෙම වීඩ්යෝව බැලූ බැල්මටම සාමාන්‍ය නොවන බව නිරීක්ෂණය කළ හැකි වුවද ඇතැම් සමාජ මාධ්‍ය පරිශීලකයින්ට මෙය සත්‍ය සිදුවීමක් ද නැතිනම් නිර්මාණය කරන ලද වීඩියෝවක් ද යන්න පිළිබඳව ව්‍යාකූල වී සිටින බව එම වීඩියෝවේ අදහස් පළ කිරීම් තීරයේ (Comment section)හි අදහස් නිරීක්ෂණය කිරීමේදී දැකගත හැකි විය.

ඒ අනුව FactSeeker මේ පිළිබඳ ගැඹුරින් නිරීක්ෂණය කළ අතර එහිදී වීඩියෝවේ සිටින අලියා චලනය වන විට පාද පහක් ලෙස නිරූපණය වන අවස්ථා සහ මිනිසුන් චලනය වන විට ශරීර කොටස්වල අසාමාන්‍ය තත්ත්වයන් නිරූපණය වන ආකාරය දැකගත හැකි විය. එසේම අලියාගේ ඇඟට වැටී ඇති ගස මතට නැඟී සිටින පුද්ගලයින් එම ගස මත සෘජුවම සිටීම වැනි අසාමාන්‍ය දර්ශනයන් හේතුවෙන් මෙය ව්‍යාජ ලෙස සකසන ලද බවට ලක්ෂණ හඳුනාගත හැකි විය.

ඒ අනුව  FactSeeker මෙම වීඩියෝවේ අවස්ථා කිහිපයක ඡායාරූප Google Ditected AI හරහා පරීක්ෂා කළ විට ලැබූ ප්‍රතිඵල අනුව අදාළ වීඩියෝව 98% ක් ම  AI භාවිතයෙන් නිර්මාණය කර ඇති බව තහවුරු විය.

ඒ අනුව ගසක් ඇඟ මතට වැටුණු අලියෙකු බේරාගන්නා බව දැක්වෙන වීඩියෝව AI නිර්මාණයක් බවත් සත්‍ය සිදුවීමක් නොවන බවත් FactSeeker තහවුරු කරයි.