එය සජබයේ “කිසිම දේශපාලඥයෙකුට විහාරස්ථානයට ඇතුළුවීම තහනම්” යනුවෙන් සහ මාලිමාවේ දේශපාලනඥයින් සහභාගී වන උත්සව රැස්වීම් සදහා විහාරස්ථානයට ආරාධනා කිරීමෙන් ද වළකින ලෙස විහාරාධිපති හිමියන් සියලුම දායක දායිකාවන්ට දන්වා සිටින බව සදහන් දැන්වීම පුවරු සමාජ මාධ්‍ය හරහා හුවමාරු වන බව factseeker නිරීක්ෂණය කළේ ය. එම පෝස්ටුවල දක්වා තිබුණේ මෙම දැන්වීම් පුවරුව අනුරාධපුර රුවන්වැලි මහා සෑය අසල සවි කර අති බව යි.

එබැවින් මෙම දැන්වීම කුමක්ද? යන්න පිළිබදව factseeker සොයා බැලීය.

පළමුව රුවන්වැලි සෑය අසල මෙවැනි ප්‍රකාශයත් සහිත පුවරුවක් සකස් කර ඇති දැයි එම ස්ථානයේ සේවයේ නියුතු පොලිස් නිලධාරීන්ගෙන් සහ රුවන්වැලි සෑ විහාරවාසී හිමිවරුන්ගෙන් විමසීමක් කළෙමු. එහිදී අනාවරණය වූයේ එවැනි දැන්වීඹ් පුවරුවක් රුවන්වැලි මහ සෑය අසල ප්‍රදර්ශනය කර නොමැති බවයි.

පසුව මෙම දැන්වීම පිළිබද සොයා බැලීමේදී අනාවරණය වූයේ, ගම්පහ ඇඹරලුව ප්‍රදේශයේ ඇති සුදර්ශනාරමය විහාරස්ථානය මෙවැනි දැන්වීමක් ප්‍රදර්ශනය කර ඇති බවයි.

මෙම දැන්වීමේ ඡායාරූපයක් X පිටුව හරහා එම ප්‍රදේශයේ පුදගලයෙක් විසින් නිකුත් කර ඇත.

මාලිමාව සහ සජබය යන දේශපාලන පක්ෂ ලෙස නම් කරමින් හුවමාරු වන්නේ, එම ඡායාරූපය සංස්කරණය කර බව මෙහිදී අනාවරණය විය.

“2022 මැයි මස 08 දින X අවකාශයට යොමුකර ඇති එම පණිඩුඩය මෙසේය,

මාස ගානක් කන්නලව් කරලත් ගම්පහ ප්‍ර.සභාවෙන්,RDA එකෙන් හදාගන්න බැරි උන පාර: ගමේ අපි, හාමුදුරුවෝ එකතු වෙලා අද හදාගත්තා. ටිකක් හරි යන්න පුළුවන් ගානට. ඔයාලට අපිව ඕනේ වෙද්දි හිනා මූණු පෙන්නන් ඡන්දේ ඉල්ලන්න ගමට, අපේ ගෙවල් ගානේ එන්න එපා.වරිපනම් හොයන්න එන්නත් එපා.”

“කිසිම දේශපාලඥයෙකුට විහාරස්ථානයට ඇතුළුවීම තහනම්”  යනුවෙන් රැවන්වැලි සෑය අසල පුවරුවක් ප්‍රදර්ශනය කර නොමැති බව factseeker තහවුරු කරයි.