කැලිෆෝනියා ලැව්ගින්නෙන් ඉතිරි වූ නිවසක් නෙවෙයි.
ඇමෙරිකාවේ කැලිෆෝනියා ප්රාන්තයේ ඇති වූ ගින්න ලොව පුරා කතා බහට ලක් විය.මේ සම්බන්ධයෙන් සත්‍ය මෙන්ම අසත්‍ය ප්‍රවෘත්ති ද සමාජ මාධ්‍ය හරහා සංසරණය වෙමින් පවතී.
by Anonymous |
ජනවාරි 20, 2025
මේ අතර කැලිෆෝනියාවේ ලොස්ඇන්ජලිස් ප්රාන්තයේ ඇති වූ ගින්නෙන් ඉතිරි වූ නිවසක් බවට සඳහන් කරමින් ගින්නකින් පිළිස්සී ගිය නිවසක ඡායාරූප පෙළක් සමාජ මාධ්‍යයේ විශාල වශයෙන් සංසරණය වන ආකාරය FactSeeker හඳුනා ගැනුණි.
ඇතැම් පෝස්ට්වල සඳහන් වූයේ එම නිවසේ හිමිකරු ධාර්මික පුද්ගලයෙකු නිසා එම අනතුරින් ඔහුගේ නිවස ආරක්ෂා වී ඇති බව යි.
මේ පිළිබඳව තොරතුරු සොයා බැලීමේදී එය හවායි හි ලහයිනා ප්‍රදේශයේ සිදුවීමක් බව සොයා ගැනීමට හැකි විය. ඒ අනුව 2023 වර්ෂයේ අගෝස්තු මස 10වන දින CBS ප්‍රවෘත්ති වෙබ් අඩවියේ මේ පිළිබඳව පළ වී තිබූ පුවත අනුව මෙම ඡායාරූප කැලිෆෝනියාවේ ලැව් ගින්න හා සම්බන්ධ නොවන බව තහවුරු කර ගැනීමට හැකි විය.
CBS අඩවියේ පළ වූ පුවත මෙතැනින්:
මීට අමතරව ඕනෑම පුද්ගලයෙකුට ඡායාරූප සෙවීමට, බාගත කිරීමට අයිතිය මිලදී ගැනීමට භාවිතා කරන වාණිජ වෙබ් අඩවියක් වන ගෙටී ඉමේජ් සමාගමට අයත් getty Image වෙබ් අඩවියෙන් මෙම ඡායාරූපය උපුටා ගෙන තිබිණි. එම ඡායාරූපය Patrick T. Fallon ගේ කැමරා කාචයට හසු වී තිබෙන බව තහවුරු කර ගැනීමට හැකි විය.
ඒ අනුව කැලිෆෝනියා ලැව්ගින්නෙන් ඉතිරි වූ නිවස ලෙස දක්වමින් සමාජ මාධ්‍යයේ සංසරණය වන ඡායාරූප පිළිබඳ පුවත් නොමඟයවනසුළු ඒවා බවත්, එය 2023 වසරේ හවායි හි සිදු වූ ලැව් ගින්නක් හා සම්බන්ධ ඒවා බවත් FactSeeker තහවුරු කරයි.
