මෙසේ හුවමාරු වන වීඩියෝ සහ ඒ සමග ඇති ප්‍රවෘත්ති වාර්තා බොහොමයක් නොමග යවනසුලු බව Factseeker  හඳුනාගන්නා ලදී.

මෙම වීඩියෝව ඊශ්‍රායල අගමැති බෙන්ජමින් නෙතන්යාහු පැන යන දරශනයක් ලෙස දක්වා ඇති  අතර ‘නෙතන්යාහු පැන යාමේ මොහොත’ නමින් එය සංසරණය වෙයි.

කෙසේ වෙතත්, මෙම වීඩියෝව පටිගත කර ඇත්තේ, බෙන්ජමින් නෙතන්යාහු 2021 දෙසැම්බර් 14 වන දින පැවැති ඊශ්‍රායල් මැතිවරණයකදී සිය ඡන්දය ප්‍රකාශ කිරීම සඳහා දිව යන අවස්ථාවකදී ය. එ් වන විට ඔහු ඊශ්‍රායලයේ විපක්ෂ නායකවරයා ව සිටියේය.

එම සබැඳිය මෙතැනින් –

https://www.hidabroot.org/article/1162572

ඒ අතර, ඊශ්‍රායලයේ අගනුවර වන ටෙල් අවිව් වෙත මිසයිල ප්‍රහාරයක් එල්ල වූ බව දැක්වෙන වීඩියෝවක් සීග්‍රයෙන් හුවමාරු වෙමින් පවතී. Factseeker එය නිරීක්ෂණය කළ අතර  එය මිනිසුන් රහිත ඩ්‍රෝන යානයක් රුසියාවේ මොස්කව්හි දී පුපුරා යාමේ සිදුවීමක් වන අතර එය 2023 දී ජාත්‍යන්තර මාධ්‍ය විසින් වාර්තා කරන ලද අනතුරකි.

එම සබැඳිය මෙතැනින්:

https://www.bbc.com/news/av/world-europe-66353931

මෙවැනි නොමගයවනසුලු වීඩියෝ බොහොමයක් මේ වන විට X සහ Facebook  සමාජ මාධ්‍ය වේදිකාවල බහුලව හුවමාරු වෙමින් පවතී.

ඒ අනුව, ඉහත වීඩියෝ සියල්ල පැරණි බවත්, ඒවා මහජනයා නොමග යැවීම සඳහා හුවමාරු කර ගෙන ඇති බවත් තහවුරු Factseeker  කරයි.